Showing Books By Publisher : Navinya Prakashan

21 Vya Shatakakarita Smart Brain (२१ व्या शतकाकरिता स्मार्ट ब्रेन)

२१ व्या शतकात यशस्वी होण्याकरिता केवळ ज्ञान, पदवी किंवा कष्ट पुरेसे नाहीत, तर आवश्यक आहे तो स्मार्ट ब्रेन, म्हणजेच जागृत, प्रशिक्षित आणि सर्जनशील मेंदू! सिद्धहस्त लेखक, व्याख्याते आणि सुप्रसिद्ध बालरोग तज्ज्ञ डॉ. उल्हास कोल्हटकर यांचे हे पुस्तक मेंदूची रचना व कार्यपद्धती सोप्या भाषेत समजावून सांगते. तसेच तुमची • विचारशक्ती • स्मरणशक्ती • एकाग्रता • निर्णयक्षमता • सर्जनशीलता • भावनिक बुद्ध्यांक यांचा विकास करण्यासाठी मेंदूच्या अपहरणकर्त्यांपासून कसे सावध राहावे आणि आधुनिक विज्ञान व पारंपरिक वैद्यक (आयुर्वेद) यांच्या मदतीने नेमके काय करावे, याचे सोप्या भाषेत मार्गदर्शन करते.

Shaktipeethanchi Divya Yatra Bhag 1 (शक्तिपीठांची दिव्य यात्रा भाग १)

श्रद्धा, संस्कृती आणि पर्यटन यांचा संगम अनुभवण्यासाठी ‘शक्तिपीठांची दिव्य यात्रा – भाग १’ हे मराठी मार्गदर्शक पुस्तक निवडा. शक्तिपीठांचे दर्शन आणि यात्रेचे नियोजन करू इच्छिणाऱ्या वाचकांसाठी हे पुस्तक उपयुक्त माहितीची ओळख करून देते. इतिहास, महिमा, प्रवास सुविधा, दर्शनाची माहिती, निवास व्यवस्था, खाद्य सुविधा आणि खरेदी अशा विविध विषयांचा समावेश असल्याचे पुस्तकाच्या मुखपृष्ठावर नमूद केले आहे. धार्मिक यात्रेसोबत स्थानिक संस्कृती जाणून घेण्याची आवड असणाऱ्या वाचकांसाठी हा एक आकर्षक पर्याय आहे.

Nila Jambhala Pakshi (निळा जांभळा पक्षी)

आदितीचं कॉलेज सुरू झालं. नव्या मैत्रिणी, नवं वातावरण, आदिती कॉलेजात रमली. खूप दिवसांनी अशीच दहा साडेदहाच्या सुमाराला आदिती कॉलेजला निघाली होती तेव्हा तिला ती शीळ ऐकू आली. निळ्या जांभळ्या पक्ष्याची शीळ. इतक्या दिवसांनंतरही आदितीनं ती शीळ ओळखली आणि कॉलेजात जायला निघालेली आदिती बाहेर जायच्या ऐवजी धावत धावत पुन्हा आपल्या अभ्यासाच्या खोलीकडे आली. मोठ्या आशेनं तिनं गुलमोहोराच्या झाडाकडे पाहिलं. फांदी रिकामीच होती. पण शीळ मात्र ऐकू येत होती. आपल्याला शीळ ऐकू येतेय, पण तो पक्षी मात्र दिसत नाही. की आपल्याला भास होतोय ? ती गोंधळली. 'आई, तू ऐकलीस ?' 'काय?' 'त्या निळ्या जांभळ्या पक्ष्याची शीळ ?' 'माझं कामात लक्ष आहे गं. मी नाही ऐकली. पण आला असेल तो पुन्हा परत..

Rahasya Dirghayushyache Bhag 2 (रहस्य दीर्घायुष्याचे भाग २)

प्रत्येक माणसाला आपण दीर्घायुषी व्हावे असे वाटते; परंतु केवळ दीर्घायुष्य नव्हे, तर निरोगी आणि आनंदी जीवन जगणेही तितकेच महत्त्वाचे आहे. आयुर्वेद आणि आधुनिक वैद्यकशास्त्र यांचा उत्कृष्ट मिलाफ साधून आहार-विहार आणि सद्विचार यांविषयी मार्गदर्शन करणारे ‘रहस्य दीर्घायुष्याचे – भाग 2’ हे पुस्तक वाचकांसाठी एक वेगळा दृष्टिकोन घेऊन येते. दीर्घायुष्याबरोबरच आरोग्यपूर्ण जीवन (Health Span) आणि एकूण आयुष्यकाल (Life Span) यांतील महत्त्वाचा फरक समजून घेण्यास हे पुस्तक मदत करते. आरोग्याविषयी जागरूक असणाऱ्या आणि जीवनशैली अधिक चांगली बनवू इच्छिणाऱ्या वाचकांसाठी हे पुस्तक उपयुक्त ठरू शकते. पुस्तकाची वैशिष्ट्ये आयुर्वेद आणि आधुनिक वैद्यकशास्त्र यांचा समन्वय. आहार, विहार आणि सद्विचार यांचे महत्त्व. निरोगी व दीर्घायुष्याच्या संकल्पनेची ओळख. आरोग्यपूर्ण जीवन आणि आयुष्यकाल यांविषयी मार्गदर्शन

Rahasya Dirghayushyache Bhag 1 (रहस्य दीर्घायुष्याचे भाग १)

दीर्घायुष्याचे रहस्य नेमके काय आहे? निरोगी आणि आनंदी जीवन जगण्यासाठी कोणत्या गोष्टी महत्त्वाच्या आहेत? ‘रहस्य दीर्घायुष्याचे’ या पुस्तकात डॉ. उल्हास कोल्हटकर यांनी दीर्घायुष्य, आरोग्य आणि जीवनशैली यांविषयी उपयुक्त मार्गदर्शन केले आहे. केवळ औषधांवर अवलंबून न राहता योग्य आहार-विहार, सदाचार आणि आरोग्यदायी सवयींच्या माध्यमातून निरामय जीवन कसे जगता येईल, याची माहिती या पुस्तकातून मिळते. आयुर्वेद आणि आधुनिक विज्ञान यांचा समन्वय साधत आरोग्य, जीवनशैली आणि दीर्घायुष्य यांविषयी जाणून घेण्यासाठी हे पुस्तक नक्की वाचा

Aplya Potache Arogya (आपल्या पोटाचे आरोग्य)

डॉ. उल्हास कोल्हटकर यांनी बदलती जीवनशैली, वाढते आजार आणि पचनसंस्थेशी निगडित समस्या लक्षात घेऊन आपले शरीर आणि पोट घरात बसून सोप्या पद्धतीने कसे सुदृढ व निरोगी ठेवावे, याचे मार्गदर्शन या पुस्तकात केले आहे.

Breakup (ब्रेकअप)

ब्रेकअप या नावावरून ही कादंबरी एक प्रेमकथा आहे, हे कळते. पण ही स्त्री-पुरुष नात्यावर आधारित कथा नसून, प्रेमाचे एक जरा वेगळे आणि अनोळखी रूप या कथेतून दाखवले आहे. कथेतील मुख्य पात्र एक गायक असल्यामुळे कथेला संगीताची पार्श्वभूमी आहे. पण हे ब्रेकअप नेमके कोणाचे कोणाशी, हे कोडे मात्र वाचकांना कादंबरी वाचताना उलगडेल.

Balakanche Aarogya Ani Aayurved (बालकांचे आरोग्य आणि आयुर्वेद)

आयुर्वेदाच्या सिद्धांतांवर आधारित असे हे पुस्तक लिहिताना आजच्या काळातील संदर्भही आम्ही जागोजागी घेतले आहेत. जेणेकरून या पुस्तकाला एक Practical handbook चे स्वरूप यावे. हे करताना तत्व आणि व्यवहार यांची उत्तम सांगड घालण्याचा आम्ही पदोपदी प्रयत्न केला आहे हे आपल्याला पुस्तक वाचताना लक्षात येईलच.

Sahi Re Sahi (सही रे सही)

'सही रे सही' आणि 'नीरू आणि नेहा' असे माझे दोन बालकथासंग्रह पुण्याच्या उत्कर्ष प्रकाशनाने प्रसिद्ध केले, त्याला बरीच वर्षे झाली. पुस्तकं छोटीछोटी असली तरी त्यांना बालवाचकांकडून मोठी दाद मिळत असे. काळाबरोबर त्यांची मांडणी, बाह्य रूपडं वगैरे सगळंच काहीसं जुनं झाल्याने येथे मी ती पुस्तकं एकत्र करून नव्या आकर्षक स्वरुपामध्ये बालवाचकांसमोर सादर करत आहे. करी मनोरंजन जो मुलांचे जडेल नाते प्रभुशी तयाचे ॥ असं सानेगुरुजी म्हणत असत. त्यांच्या एवढा माझा अधिकार नाही. मुलांचं मनोरंजन करणं हे किती गरजेचं आहे आणि किती आव्हानात्मक आहे, हे मात्र मलाही सतत जाणवत राहिलेलं आहे. त्या दृष्टीने ह्या कथासंग्रहातल्या कथा मुलांना कशा आवडतात, कुठे खटकतात, कुठे सुधारणेला वाव आहे ह्यासंबंधी प्रतिक्रिया मिळाल्यास मला आनंदच वाटेल. ह्या रूपाने पुन्हा बालवाचकांसमोर येण्याची संधी मला देणाऱ्या नावीन्य प्रकाशनाची मी ऋणी आहे. 'सही रे सही' वाचतांना एखाद्या वाचकाची 'सही रे ! एकदम सही' अशी प्रतिक्रिया आली तर मी तिलाच खरी पावती मानेन. ह्यासाठी सर्व बालवाचकांचं स्वागत व सर्वांना शुभेच्छा ! --- मंगला गोडबोले

Mazi ED Chukashi (माझी ईडी चौकशी)

सुनील पांडे हे बहुआयामी आणि बहुप्रसव लेखक आहेत. त्यांची पन्नासहून अधिक पुस्तके प्रकाशित झालेली आहेत. ही सर्व पुस्तके भिन्न- भिन्न आकृतीबंधाची आहेत. तथापि, सर्व पुस्तकांमध्ये वाङमयीन गुणांची पखरण आहे. 'माझी ईडी चौकशी' हा त्यांच्या चार विनोदी कथासंग्रहापैकी एक आहे. हेच शीर्षक असलेली कथा ह्या संग्रहात प्रथम आहे. गेल्या काही वर्षांत आपल्या देशात 'ईडी'ची प्रचंड चर्चा आहे, 'ईडी' धास्ती विशिष्ट वर्गात आहे, त्यामुळे शीर्षकापासूनच वाचकाच्या मनात कुतूहल निर्माण होते, पण कथा वाचून संपताच मन प्रसन्न होऊन जाते. ही अनुभूती सर्वच कथावाचून झाल्यावर येते. मराठीत श्री. कृ. कोल्हटकर, चिं. वि. जोशी, आचार्य अत्रे, पु. ल. देशपांडे, वि. आ. बुवा इत्यादी थोर लेखकांनी विनोदी लेखनाचा मानदंड निर्माण केलेला आहे. सुनील पांडे हे आपल्या कसदार विनोदी लेखनाने ह्या परंपरेचे पाईक ठरलेले आहेत. जीवनातील प्रत्येक गोष्टीकडे खेळकरपणे पाहण्याची दृष्टी विनोदी लेखकाच्या ठायी असली पाहिजे; तशी ती पांडे यांच्याकडे निश्चितच आहे. विनोदबुद्धी ही नैसर्गिक देणगी आहे. ती प्रत्येक लेखकाला ओढूनताणून आणता येत नाही. पांडे यांना ती उपजतच लाभलेली आहे, हे त्यांच्या कथा वाचताना जाणवते. --- -श्रीराम ग. पचिंद्रे, (ज्येष्ठ संपादक, कवी आणि लेखक कोल्हापूर)

Nirogi Raha (निरोगी रहा)

डॉ. परीक्षित शेवडे आणि डॉ. स्वराली शेंड्ये यांचे 'निरोगी रहा' हे पुस्तक स्वतःला निरोगी ठेवण्यासाठीच्या प्रतिबंधात्मक मार्गदर्शनाची एक संक्षिप्त तरीही तपशीलवार ओळख करून देणारे एक उत्तम मार्गदर्शक आहे. भारतीय ग्रंथ परंपरेला अनुसरूनच, त्यांनी स्वस्थ (आरोग्यपूर्ण) या शब्दाच्या व्याख्येपासून सुरुवात करून त्यानंतर वर्षभरातील बदलत्या ऋतूंनुसार अवलंबल्या जाणाऱ्या दैनंदिन पद्धती आणि आवश्यक बदलांचे थोडक्यात पण सूक्ष्मपणे स्पष्टीकरण दिले आहे. आयुर्वेदात नवीन असलेल्या वाचकांना हे पुस्तक विषयाची उत्तम ओळख करून देईल आणि स्वत:चा प्रतिबंधात्मक प्रवास सुरू करण्यासाठी पुरेसा तपशील प्रदान करेल. लेखकांनी त्यांच्या विशिष्ट शिफारसींच्या समर्थनासाठी संबंधित संदर्भ आणि प्रकाशने देखील दिली आहेत, ज्यामुळे जिज्ञासू वाचकांना या विषयातील पुढील संशोधनासाठी मार्ग खुला होईल. वाचकाने या पुस्तकात सुचवलेल्या प्रत्येक पैलूतील किमान एक बदल स्वीकारावा, त्याचे फायदे (किंवा मर्यादा) स्वत: अनुभवावे आणि नंतर स्वत:च्या प्रकृतीनुसार प्रतिबंधात्मक उपचार सानुकूल (customize) करण्यासाठी तज्ज्ञ वैद्यांचे मार्गदर्शन घ्यावे. आयुर्वेदाचे उद्दिष्ट 'स्वस्थस्य स्वास्थ्यरक्षणम्' (स्वस्थाच्या स्वास्थ्याचे रक्षण करणे) आणि 'आतुरस्य विकारप्रशमनं च' (रुग्णाच्या आजाराचे निवारण करणे) हे आहे. हे पुस्तक अन्न उत्पादन, साठवणूक, भेसळ आणि फसवणूक यांसारख्या आजच्या काळातील आव्हानांकडे लक्ष वेधून आणि त्यातून मार्ग कसा काढावा, हे सांगून आयुर्वेदाचे उद्दिष्ट साध्य करते. एका जागरूक वाचकाने या पुस्तकापासून सुरुवात करायला हवी, मात्र स्वतःचा प्रतिबंधात्मक आरोग्याचा मार्ग हा स्व-अभ्यास, सराव आणि तज्ज्ञांच्या मार्गदर्शनातूनच तयार करायला हवा, हे लक्षात ठेवावे. -- नीलेश नीलकंठ ओक लेखक, वक्ते, मूळ संशोधक

Ek Aatpat Nadi Hoti (एक आटपाट नदी होती)

नदीचे सर्व सजीवांमध्ये असलेले महत्त्व हे अनन्यसाधारण आहे. त्यातही मानवी जीवनात असलेले स्थान हे कधीही पुसता न येण्यासारखे आहे. तिने मानवासाठी दिलेले योगदान हे मोठे आहे. पण गेल्या काही वर्षात या नद्यांना नजर लागली. नागरीकरण आणि औद्योगिकरण यात या नद्यांचे अपरिमित नुकसान झाले. त्यामुळे एकेकाळी नितळ, स्वच्छ वाहणारी आता गटारगंगा म्हणून वाहू लागली. पण आता नदीकडे दुर्लक्ष करून चालणार नाही. यासाठी तुमच्या सारख्या लहानग्यांची साथ या पुढील काळात लागणार आहे. 'नदी वाचवा' हि हाक आता पुढच्या काळात अधिक तीव्रतेने तुम्हाला ऐकू येईल. नदी हि आपल्या पर्यावरणाचा एक अविभाज्य भाग आहे हे आपल्या लक्षात अजूनही आलेले नाही. या नद्यांचे वास्तव आणि त्यांचे संवर्धन हे जोपर्यंत आपल्याला समजत नाही तोपर्यंत आपण नद्या वाचवू शकत नाही. त्यामुळेच उद्याचे नागरिक म्हणून तुमची जबाबदारी हि जास्त आहे. हाच सांगावा घेऊन नदी सांगत्येय तिची कहाणी.

Maharashtracha Safarnama (महाराष्ट्राचा सफरनामा)

सारेच महाराष्ट्राच्या प्रेमात.. !! महाराष्ट्र हे नाव जरी नुसते उच्चारले, तरी आपण पर्यटनाच्या वेगळ्याच विश्वात जातो. या विश्वात इतिहास, भूगोल, सह्याद्री, मंदिरे, नद्या, जंगले, गड-किल्ले, समुद्रकिनारे, स्मारके, संग्रहालये, गावे, या साऱ्या गोष्टी सामावल्या आहेत. पर्यटनाच्या बाबतीत महाराष्ट्राचे अवकाश खूप मोठे आहे. इतर राज्यांपेक्षा कांकणभर अधिक सरस आहे. कोकण, मराठवाडा, विदर्भ, पश्चिम महाराष्ट्र, उत्तर महाराष्ट्र अशा विविध भागांतली संस्कृती आणि वेगळेपण हासुद्धा एक अनुभवायचा भाग आहे. या राज्याला लाभलेला शिव-छत्रपतींचा इतिहास तर कळसबिंदू ठरावा. कितीतरी गोष्टींनी महाराष्ट्र समृद्ध आहे. एक जन्मसुद्धा अपुरा पडेल हे सारे डोळे भरून पाहायला. संपूर्ण महाराष्ट्र हा पर्यटनाच्या बाबतीत एका पुस्तकात कधीच मावणार नाही. या पुस्तकात विविध भागांतील निवडक ठिकाणांना स्पर्श करण्याचा प्रयत्न केलेला आहे. महाराष्ट्राचा हा सफरनामा निश्चितच तुम्हाला आवडेल.

Enjoy (एंजॉय)

गेल्या ४-५ वर्षांमध्ये कारणपरत्वे वृत्तपत्रांमध्ये आणि हौसेने दिवाळी अंकांमध्ये मी लिहिलेल्या काही लेखांचं संकलन म्हणजे हे पुस्तक होय. ह्या लेखांना सन्मानाने जागा देणाऱ्या संपादक-प्रकाशकांची मी ऋणी आहे. तसंच सध्याच्या थोड्या अवघड वाङ्मयीन वातावरणातही हे पुस्तक प्रसिद्ध करणाऱ्या नावीन्य प्रकाशनाचे श्री. नितीन खैरे आणि त्यांचे सर्व सहकारी ह्यांचीही मी आभारी आहे. लेख मराठी भाषेत, लेखिका मराठी प्रेमी, मग पुस्तकाचं शीर्षक इंग्रजी का असावं? असं विचारणारे कोणी निघतील. त्यांना उत्तर असं की, एकतर आता 'एंजॉय' हा इंग्रजी शब्द मराठी भाषेत अत्यंत प्रचलित झाला आहे. गाणं-खाणं-सभा-संमेलन- प्रवास-निवास ह्यासारख्या सर्व व्यवहारांमध्ये 'एंजॉय करा' असं उच्चरवाने सांगितलं जातं. करताकरता एंजॉय हा नुसता शब्द न राहाता वृत्ती बनत चाललीय. आसपास काहीही, कितीही, अनुकूल- प्रतिकूल असो-नसो जगणाऱ्याने त्याचा आनंद लुटण्याचा प्रयत्न करावा. होणाऱ्या गोष्टी होणारच. मग पुढ्यातला क्षण मनमुराद उपभोगू का नये ? ‘एंजॉय!’ हे पुस्तक वाचणाऱ्यांनी हीच दृष्टी ठेवावी असं मी नम्रपणे सुचवेन. खुलेपणाने स्वीकारल्यास ह्या पुस्तकात दिलखुलास क्षण नक्कीच मिळतील. ते वाचकांनी घेतले, प्रसंगी माझ्याकडे नोंदवले तर मला ह्या लेखनाच्या खटाटोपाचं सार्थक झाल्यासारखं वाटेल. मग काय, करणार ना 'एंजॉय ?' -- मंगला गोडबोले

Ichhapatra Mrutyupatra (इच्छापत्र मृत्युपत्र)

Julata Runanubandha (जुळता ऋणानुबंध)

Vishnu Samjun Ghetana (विष्णू समजून घेताना)

Kalchakra Punyache (कालचक्र पुण्याचे)

Shambhar Dhage Sukhache (शंभर धागे सुखाचे)

Avel (अवेळ)

Jo Gatit To Pragatit (जो गतीत तो प्रगतीत)

Gajlelya Jagatik Rajkiya Hatya (गाजलेल्या जागतिक राजकीय हत्या)

गाजलेल्या जागतिक राजकीय हत्या' हे पुस्तक म्हणजे अब्राहम लिंकन (१८६५) ते बेनझीर भुत्तो (२००७) असा प्रदीर्घ रक्तरंजित इतिहास आहे. लेखक धनंजय राजे यांनी अतिशय कौशल्याने जगात गाजलेल्या १५ राजकीय हत्यांचा अभ्यासपूर्ण वेध घेतला आहे. या पंधरा व्यक्तिपैकी म. गांधी आणि मार्टीन ल्यूथर किंग यांना वगळता बाकीच्या तेरा व्यक्ती त्या त्या देशात सर्वोच्च पदावर होत्या. जगात खळबळ माजविणाऱ्या या क्रूर हत्यांमागचे कटकारस्थान, घटनांचे चित्रदर्शी वर्णन वाचकांना खिळवून ठेवेल. जग जसजसे आधुनिकतकडे जात गेले तसतसे खून करण्याच्या पद्धती, खुनासाठी वापरलेली हत्यारे यांमध्येही बदल होत गेले. म्हणजे विषप्रयोग, तलवार, सुरा, खंजीर इथपासून ते मानवी बाँबपर्यंत हा कलंकित मानवी प्रवास येऊन ठेपतो. ज्येष्ठ संपादक, पत्रकार श्री. कुमार केतकर लिहितात-हे पुस्तक केवळ सुजाण वाचकांसाठी मर्यादित नाही, केवळ करमणुकीसाठी नाही तर हे अभ्यासाचे पुस्तक आहे. विविध परीक्षांना (यूपीएससी इत्यादी) ते अगदी केबीसी (कौन बनेगा करोडपती) साठी तयारी करणाऱ्यांनाही हे उपयोगी पडेल. राजकीय हत्या या राजकारणाचा, सत्तेचा समतोल बदलण्यासाठी केल्या जातात. त्या घडत नाहीत, घडविल्या जातात. राजे यांच्या या पुस्तकाबद्दल इतकेच म्हणता येईल की, हा आंतरराष्ट्रीय राजकारणाचा अभ्यास आहे आणि तो एखाद्या रहस्यकथेसारखा सादर केला आहे.

Nakli Sinhachi Dhamal (नकली सिंहाची धमाल)

Hati Hot Shunya Tarihi