-
Raoparv (रावपर्व)
सरकारला बहुमत नसताना, काँग्रेस पक्षाचा मनापासून पाठिंबा नसताना, पक्षात स्वतःचा गट नसताना आणि पक्षातील अनेक गट विरोधात असताना, गांधी घराण्याशी विसंवाद असताना, डाव्यांचा कडवा विरोध असताना, देशात धार्मिक व जातीय तणाव तीव्र झाले असताना अवघड आर्थिक स्थित्यंतर शांतपणे घडवून आणले ते पंतप्रधान पी.व्ही.नरसिंह राव यांनी! सोने गहाण ठेवण्याची वेळ आलेल्या भारताला दिवाळखोरीच्या उंबरठ्यावरून परतवून भक्कम आर्थिक स्थैर्य दिले ते पंतप्रधान पी.व्ही.नरसिंह राव यांनी! देशाची अर्थशक्ती जागवून त्यांनी उद्योगक्षेत्र अन् बाजारपेठेची पक्की बांधणी केली. नव्या उद्योगधोरणाव्दारे अनेक क्षेत्रे त्यांनी खाजगी उद्योगांसाठी खुली केली. अवघ्या तीन वर्षांत एक्कावन्न हजार कोटींचे परकीय चलन देशाच्या तिजोरीत जमा झाले ते नरसिंह राव यांनी कल्पकतेने राबवलेल्या आर्थिक सुधारणांमुळे ! आर्थिक स्थित्यंतराच्या या अवघड काळाचा आणि त्या काळाला शांतपणे आकार देणाऱ्या शिल्पकाराचा वेधक धांडोळा.. रावपर्व
-
Amhi Fauji (आम्ही फौजी)
सशस्त्र सेनेतील आयुष्य म्हणजे वेगळ्याच जगात जगणे. एकीकडे क्षणाक्षणाचा आनंद पुरेपूर उपभोगण्याची वृत्ती; तर दुसरीकडे डोक्यावर युद्धाची, मृत्यूची टांगती तलवार. कडक करड्या शिस्तीबरोबर धाडसी बेदरकारी. रक्ताच्या नात्यापासून दूर असूनही, जिवाभावाचे जुळणारे बंध. मध्यमवर्गीय नागरी कुटुंबात, सुरक्षित कोशमय वातावरणात, स्वच्छंदी फुलपाखरी जीवन जगणारी मुलगी विवाहानंतर एका सेनाधिकाऱ्याची पत्नी झाली आणि अचानक एका आयुष्यपालटाला सामोरी गेली. आपल्या या ‘फौजी’ आयुष्याची तिने टिपलेली क्षणचित्रे. आम्ही फौजी
-
George Orwell (जॉर्ज ऑर्वेल)
जॉर्ज ऑर्वेल ‘१९८४’ आणि ‘अॅनिमल फार्म’ या कलाकृतींनी जागतिक साहित्यात मोहर उमटवणारा निर्भीड कादंबरीकार. धारदार, तर्कशुद्ध आणि स्फटिकशुभ्र भाषेत लिहिणारा निबंधकार. हुकूमशाही आणि साम्राज्यशाहीचा कट्टर विरोधक. अनुभवांच्या शोधात बेघर फिरस्त्यांसोबत राहणारा मानवतावादी. जिवावर उदार होऊन लढणारा शूर सैनिक. हळव्या मनाचा बाप. हा मनस्वी लेखक कसा जगला? त्याचे सार्वकालिक ठरलेले विचार कोणत्या विलक्षण अनुभवांच्या मुशीतून घडले? कोणत्या विचारांचं बीज पेरत होता तो? त्याच्या आयुष्याची आणि साहित्याची ही कहाणी – जॉर्ज ऑर्वेल
-
Mi Sandarbha Pokhartoy (मी संदर्भ पोखरतोय)
मला माहीत होतं थडग्यांवर जीव लावणारी माणसं सर्वच धर्मांत असतात माणसांवर जीव लावणारी माणसं सापडत नाहीत कुठेही! धर्मानं बांधल्या होत्या कधीच्याच कबरी माणसाचं अस्तित्व खोल पुरून कधी मंदिरावर उभारलेल्या कळसामधून कधी मशिदीवर रोवलेल्या चंद्रकोरीमधून माणसांच्या विचारांना विचारांनी तिलांजली देणारी माणसं विवेकाचा कत्लेआम करत असतात दररोज…
-
Brahmos (ब्राह्मोस)
ब्राह्मोस! आपल्या लक्ष्यावर अचूक आघात करणारे, ध्वनीपेक्षा अधिक वेगाने जाणारे जगातले सर्वात वेगवान क्रूझ क्षेपणास्त्र. या क्षेपणास्त्राच्या विकास आणि निर्मितीचा भारत आणि रशिया यांच्या संयुक्त प्रयत्नांतून साकारलेला प्रकल्प म्हणजे ‘ब्राह्मोस’! अज्ञात वाटेवरील संशोधनाचे हे साहस म्हणजे ‘आपण हे करू शकतो’ असा आत्मविश्वास जागवणारा पहिलावहिला अनुभव! मर्यादित गुंतवणूक, व्यावसायिक व्यवस्थापन, गतिशील निर्णयप्रक्रिया, अनोखी कार्यपद्धती आणि पारदर्शी प्रामाणिकता यांच्या संयोगातून वास्तवात उतरलेले हे स्वप्न. या प्रकल्पातून जन्मलेले यशस्वी प्रारूप आत्मनिर्भर राष्ट्रनिर्मितीसाठी अन्य क्षेत्रांमध्येही उपयोगात आणता येईल. या प्रकल्पाची त्याच्या निर्माणकर्त्याने सांगितलेली जन्मकथा: वेधक तितकीच प्रेरकही!
-
Keys To Positive Thinking (कीज टू पॉझिटिव्ह थिंकिं
‘‘नेपोलियन यांच्या पुस्तकामुळे कोट्यधीश होण्यासाठी मला मोठी मदत झाली. त्याचप्रमाणे हे पुस्तक तुमचेही आयुष्य नक्कीच बदलेल.’’ - ब्रायन ट्रेसी नेपोलियन हिल यांनी युगानुयुगाचे ज्ञान एकत्र करून त्याचे सार या दहा शक्तिशाली पायर्यांमध्ये मांडले आहे, ज्या प्रत्येक वेळी तुम्हाला उत्साही करतील. - चार्ल्स ‘टी’ जोन्स ‘‘स्वतःला बदलण्याची शक्ती केवळ तुमच्यातच आहे. आत्ताच्या आयुष्यावर तुम्ही खूश नसाल तर ते बदलण्यासाठी तयार व्हा. हे पुस्तक वाचा. यातील सोप्या तरीही शक्तिशाली अशा पायर्या तुम्हाला मार्ग दाखवतील, ज्यामुळे तुम्हाला हवं तसं आयुष्य तुम्ही घडवू शकाल. -टॉमी हॉपकिन्स, हाऊ टू मास्टर द आर्ट ऑफ सेलिंग, या पुस्तकाचे लेखक.
-
Big Magic (बिग मॅजिक)
माणसाची निर्मितीच निर्माण करण्यासाठी झाली आहे. क्रिएटिव्ह जीवन म्हणजे नक्की काय याची उत्सुकता प्रत्येकालाच असते. न्यूयॉर्क टाईम्सच्या बेस्टसेलर लेखिका एलिझाबेथ गिल्बर्ट यांनी बिग मॅजिक पुस्तकामधून क्रिएटिव्हिटीची नवी परिभाषा जगासमोर आणली आहे. जगामध्ये लागणारे अफाट आणि अचाट शोध कसे लागतात हे कोडंच त्यांनी या पुस्तकाच्या माध्यमातून उलगडलं आहे. आयडिया कशा निर्माण होतात आणि त्या वास्तवात कशा येतात याची पूर्ण पद्धत त्यांनी या पुस्तकामधून मांडली आहे. आपल्यापैकी प्रत्येकामध्येच एक अव्यक्त आणि अद्भुत खजिना दडलेला असतो. हा खजिना वास्तवात आणण्यासाठी साहस, सातत्य आणि क्रिएटिव्हिटीची गरज असते. आयडिया कशा काम करतात आणि त्याच्या बाबतीतील महान जादू काय आहे हे समजण्यासाठी प्रत्येकाने हे पुस्तक वाचायलाच हवं.
-
Indra Nooyi (इंद्रा नूयी)
पेप्सीकोच्या सीईओ बनलेल्या भारतीय महिलेची प्रेरणादायी कहाणी. ‘‘जेव्हा मी पहिल्यांदा अमेरिकेला आले तेव्हा माझी आर्थिक परिस्थिती खूपच हालाखीची होती. मी पैसे कमावण्यासाठी येल येथे मध्यरात्री पासून पहाटे पाच पर्यंत रिसेप्शनिस्टची नोकरीही केली. ज्या वेळी तुमच्याकडे नोकरीच्या मुलाखतीला जाण्यासाठी लागणारे कपडेही नसतात तेव्हा जीवन तुम्हाला हलवून जागं करतं आणि तुमच्या लक्षात येतं, की आता आपल्याला प्रचंड कष्ट करण्याची आवश्यकता आहे.’’
-
Ladder Varchya Sanvedana (लॅडर वरच्या संवेदना )
प्रत्येक मराठी माणसाने वाचलीच पाहिजे अशी ही कादंबरी, आपल्या कोशातून बाहेर पडून जीवनात यशस्वी होण्याची प्रेरणा देऊ शकते तसंच स्वतःच्या आयुष्याकडे पाहण्याचा एक नवा प्रगल्भ दृष्टिकोनसुद्धा देऊ शकते. - श्री.राज ठाकरे, म.न.से.अध्यक्ष आणि व्यंगचित्रकार ‘Ladder'warchya Sanvedana... reflects a mood of the new class in the corporate sector, with it’s complacency, self indulgence and loneliness too. - पद्मश्री कुमार केतकर, राज्यसभा सदस्य आणि ज्येष्ठ पत्रकार वाचकाला अंतर्मुख व्हायला भाग पाडणारी ही कादंबरी म्हणजे एका चांगल्या कलाकृतीचं लक्षण आहे . ही कादंबरी वाचकांच्या संवेदनांना-अनुभवांना जागृती निर्माण करते. -डॉ. उदय निरगुडकर, समूह संपादक, न्यूज18 लोकमत अत्यंत वाचनीय अशी कादंबरी. नेमकेपणा, ठाशिव व्यक्तिरेखा आणि ओघवती भाषा हे या कादंबरीचे सर्वात महत्त्वाचे गुणविशेष. - श्री. विजय केंकरे, प्रसिद्ध नाट्यदिग्दर्शक ‘प्रत्येक सामान्य व्यक्तीमध्ये असामान्य व्यक्तिमत्त्व दडलेलं असतं’ हे ज्यांना उमगतं तेच असामान्य असतात, हे सांगणारं कथानक. - डॉ. विठ्ठल कामत, प्रसिद्ध व्यावसायिक व लेखक
-
4 Agreements (4 अॅग्रिमेंटस्)
फोर अॅग्रिमेंटस् हे पुस्तक आपल्या जीवनातील मूलभूत मान्यतांवर प्रकाश टाकते व आपल्याला असामान्य जीवनशैलीकडे घेऊन जाते. हे चार सिद्धांत समजल्यावर खर्या स्वातंत्र्याचा, प्रेमाचा व आनंदाचा अनुभव येतो. हे पुस्तक म्हणजे खरे स्वातंत्र्य आणि आध्यात्मिक अनुभूती मिळवण्याचा सोपा मार्ग आहे. - दिपक चोप्रा, सेवन स्पिरिच्युअल लॉज् ऑफ सक्सेसचे लेखक जीवनावश्यक रहस्ये उलगडणारे प्रेरणादायी पुस्तक. - डॉ. वेन डब्ल्यू. डायर, रिअल मॅजिकचे लेखक
-
TED Talks (टेड टॉक्स)
कोणत्याही स्टेजवर प्रभावी भाषण देण्यासाठी उपयुक्त गाईड शब्दांमध्ये जग बदलण्याची ताकद असते. जर तुम्ही तुमच्या आयुष्यामध्ये एकदा जरी शब्दांचा वापर करणार असाल तर हे पुस्तक अवश्य वाचा. - अॅडम ग्रँट, व्हार्टनमधील प्रोफेसर, गिव्ह अँड टेक अँड ओरिजनल या पुस्तकाचे लेखक. या जगामध्ये क्रिस अँडरसन यांच्यासारखं इतक्या चांगल्या पद्धतीने पब्लिक स्पीकिंगचं पुस्तक कोणीच लिहू शकत नाही. त्यांनी माझ्यासह कित्येक लोकांना वक्तृत्व कला शिकवली आहे. ज्या वेळी एखादी व्यक्ती सर्वांत जास्त घाबरलेली असते त्या वेळी तिला सर्वोत्तम भाषण देण्यासाठी प्रेरणा देण्याची कला त्यांच्याकडे आहे. हे पुस्तक प्रत्येक वक्त्यासाठी एक अमूल्य भेट आहे. - एलिझाबेथ गिल्बर्ट, इट, प्रे, लव्ह आणि द सिग्नेचर ऑफ ऑल थिंग्ज या पुस्तकांच्या लेखिका. टेड टॉकच्या माध्यमातून पब्लिक स्पीकिंगच्या एका नव्या पर्वाची सुरुवात झाली आहे. आजपर्यंत तुम्ही ऐकलेल्या झोप आणणार्या निरर्थक भाषणांचा आता कायमचा शेवट होणार आहे. या नव्या पद्धतीने खर्या अर्थी कल्पनांचे आदन-प्रदान होऊ शकेल याची मला खात्री आहे. -स्टेव्हन पिंकर, हार्वर्डमधील प्रोफेसर, हाऊ द माइंड वर्क्स आणि द सेन्स ऑफ स्टाईल या पुस्तकांचे लेखक. क्रिस अँडरसन आणि त्यांच्या सहकार्यांनी मिळून फार परिश्रमाने पब्लिक स्पीकिंगची नवी परिभाषा निर्माण केली आहे. भाषणाच्या वेळी काय करायचे आणि काय करायचे नाही याविषयी माहिती सांगणारा हा ग्रंथच त्यांनी तयार केला आहे. भाषणाच्या क्षेत्रामध्ये काम करणार्या प्रत्येकाला गाईड म्हणून हे पुस्तक मोठी क्रांती करेल. - सर केन रॉबिन्सन, शैक्षणिक क्षेत्रातील तज्ज्ञ, क्रिएटिव्ह स्कूलचे लेखक.
-
Amartya Sen (अमर्त्य सेन जीवन चरित्र)
नोबेल पारितोषित विजेते अर्थशास्त्रामधील मदर टेरेसा म्हणून ओळखल्या जाणार्या अमर्त्य सेन यांनी अर्थशास्त्राला एक नवीन चेहरा प्राप्त करून दिला. अर्थशास्त्राला मानवी जीवनाशी जोडून त्यांनी सामाजिक न्याय, लोकतंत्र, स्वातंत्र्य, तत्त्वज्ञान, स्वास्थ्य, लिंगभेद व शिक्षण या विषयांमध्ये मोठं योगदान दिलं. टाइम्स मॅगझिनमध्ये 2010 साली जगभरातील सर्वात महान 100 लोकांच्या यादीत त्यांचं नाव आलं.
-
Narayan Murty (नारायण मूर्ती)
नारायण मूर्ती यांच्या वैयक्तिक संग्रहातील निवडक छायाचित्रांसह
-
Trump 101 (ट्रम्प 101)
‘‘न आवडणार्या गोष्टी करण्यात तुमचं आयुष्य वाया घालवू नका; तुमची महत्त्वाकांक्षाच तुम्हाला सर्वोत्तम काम करायला प्रवृत्त करेल.’’ ‘‘मला अशी लोकं माहिती आहेत ज्यांच्याकडे कल्पना तर विलक्षण असतात, परंतु ते त्या कल्पना प्रत्यक्षात उतरवू शकत नाहीत. कारण कृती करण्यात ते मागे पडतात. त्यांना वाटतं की आपली कल्पना आपोआपच झेप घेईल आणि प्रत्यक्षात उतरेल. तर काही जण मला किती चांगली कल्पना सुचली या आनंदातच हरवून जातात आणि कृती करत नाहीत. मी तुम्हाला निक्षून सांगेन की, फक्त कल्पना ही काहीच कामाची नसते. तर त्यावर कृती करणंच आवश्यक असतं. कृती करण्याची प्रेरणा आणि उत्साह तुमच्याकडे नसेल तर तुमची महान आयडिया तुमच्या टेबलावर किंवा तुमच्याकडेच पडून राहील, प्रत्यक्षात कधीच उतरणार नाही. कृती करण्याची जिद्द, पॅशन नसणं हाच यश आणि अपयश यामधील फरक असतो.’’
-
Mulansathi 101 Prabhavi Savayi (मुलांसाठी 101 प्रभ
प्रत्येक आई-बाब, आजी-आजोबा यांनी वाचलेच पाहिजे असे पुस्तक... प्रत्येक मुलामध्ये असायलाच हव्यात अशा शारीरिक, मानसिक, आध्यात्मिक, बौद्धिक , सामाजिक आणि भावनिक बळ देणार्या सवयी या सवयी मुलांना काय देऊन जातील या सवयी मुलांना कशा लावाल चांगल्या सवयी कशा निर्माण कराल
-
Pratisad (प्रतिसाद)
प्रतिसाद पुस्तक म्हणजे..... •व्यवस्थापकीय संघर्षावर आध्यात्मिक विजयाची यशोगाथा •प्रतिक्रिया न देता प्रतिसाद कसा द्यावा •आध्यात्माचा भौतिक जीवनात समर्पक उपयोग •कोणत्याही समस्येत समाधान शोधण्याची दृष्टी •यशस्वी व्यवस्थापनाची सूत्रे
-
Tumhich Bana Tumchya Asamanya Jivnache Shilpkar (त
मनःशांती, चिंतामुक्त जीवन, निरोगी शरीर, चांगलं उत्पन्न आणि त्याचबरोबर चांगले नातेसंबंध या सर्व गोष्टी मिळवण्यासाठी मनाला कशाप्रकारे प्रशिक्षण द्यायचं हे या पुस्तकात अतिशय साध्या सोप्या पद्धतीने सांगितलं आहे. या पुस्तकात दिलेल्या साध्या सोप्या स्वयंसूचनांचा वापर करून तुम्ही सहजपणे तुमचं आनंदी आणि असामान्य जीवन घडवू शकाल. अगदी सकाळी झोपेतून उठल्यापासून ते रात्री झोपेपर्यंत काय विचार मनाला द्यायला हवेत, ते हे पुस्तक तुम्हाला सांगतं. या पुस्तकात अनेक प्रकारच्या स्वयंसूचना सांगितलेल्या आहेत ज्या दैनंदिन जीवनात तुम्हाला निश्चितच उपयोगी पडतील. उदा. आजारातून बरं होण्याकरता, दिवसाची सुरुवात करताना, अडचणींचा सामना करताना, काम करताना, समृद्धीकरता, गाडी चालवताना... अगदी जीवनाच्या अंतिम क्षणाची तयारी करताना काय स्वयंसूचना द्याव्यात इथपर्यंत.