-
Solitear (सॉलिटेअर)
एरवी एकमेकांच्या सोबतीने एकत्र राहणारे मोहरे सॉलिटेअरच्या पटावर उतरले की स्वत:च्या चौकटीत अलिप्त जगतात. स्वत:ची चौकट स्वत: पुरती राखताना सोबत्याला पटाबाहेर बिनदिक्कत भिरकावून भोवतालच्या चौकटी रिकाम्या करतात. सर्वाधिक सोबत्यांना ठार करणारा सर्वाधिक कुटिल मोहरा अखेरीस अख्खा पट बळकावतो, तरीही स्वत:च्या चौकटीपुरताच उरतो. एकाकी. त्याला खेळवणारा खेळीयाही मोह-याएवढाच एकाकी असतो. त्याला ना भिडू असतो, ना प्रतिस्पर्धी. तो हरवतोही स्वत:लाच आणि जिंकतोही स्वत:बरोबरचीच लढाई. जगाच्या पटावर हा एकच खेळ सतत खेळला जातोय. परत परत, द गेम ऑफ सॉलिटेअर ! आणि आता तर खेळच खेळीयाला खेळवू लागलाय त्या खेळाच्या या पाच कथा !
-
Vaya Gelele Por (वाया गेलेले पोर)
डॉ. विजय शिरीशकर या वसईतील स्त्री-रोगतज्ज्ञाच्या जीवनावर बेतलेल्या पुस्तकाचे. 'डिंपल पब्लिकेशन'चे प्रकाशक अशोक मुळे यांनी डॉक्टरांच्या जीवनाचे शब्दचित्र रेखाटण्याची जबाबदारी माझ्यावर सोपविली. कोरोना साथीच्या काळात व्हॉट्सअॅप व्हिडिओ कॉल्सच्या माध्यमातून कथन-लेखन-वाचनाचा प्रवास सुरू झाला. या प्रवासास शब्दसाज चढवत असताना डॉक्टरांचे आश्चर्यकारक वळणांचे आयुष्य उलगडत राहिले. एक निष्णात आणि अनुभवी स्त्रीरोगतज्ज्ञ म्हणून ज्यांची वसईमध्ये ख्याती आहे ते डॉक्टर शिरीशकर म्हणजेच 'वाया गेलेले पोर' आहे यावर विश्वास बसणे कठीण. मुळात हे 'पोर' म्हणजे 'बाळा', वाया गेला होता म्हणजे नक्की कसा होता हे येथे सांगणे उचित ठरणार नाही.