-
Te Aani Mi (ते आणि मी)
शकुंतला पुंडे यांच्या ललित लेखांचं हे पुस्तक. पुण्यासारख्या शहरातील अनुभव, कोकणातील निसर्ग याबद्दल त्यांनी खूप जिव्हाळ्याने लिहिले आहे. शहरातील घराच्या गॅलरीबाहेरचा हिरवा रंगमंच असो किंवा कोकणातील मुक्त घनदाट विस्तीर्ण निसर्ग या साऱ्याबद्दल पुंडे वाचकांशी संवाद साधत सोप्या शब्दांत आणि ओघवत्या भाषेत लिहितात. पुस्तकात चारच प्रकरणे आहेत; पण यातून खूप मोठा पसारा आपल्यासमोर उलगडला जातो. केवळ माहिती न देता त्या भाष्यही करतात. त्यामुळे पुस्तक आणखीनच वाचनीय झाले आहे.
-
Shivachi Saat Rahasye (शिवाची सात रहस्ये)
शिवशंकराच्या कहाण्या, चिन्हे आणि कर्मकांड यांमध्ये आपल्या पूर्वजांची रहस्ये बंद आहेत. त्यांपैकी सात रहस्यांचा उलगडा करण्याचा प्रयन्त देवदत्त पट्टनायक यांनी या पुस्तकातून केला आहे. पाहिल्या प्रकरणात शिवलिंगाचा खरा अर्थ सांगितला आहे. दुसऱ्या प्रकरणातून मानवसमूहाच्या प्रादेशिक वर्तणुकीबद्दल शिवाला वाटणारा संताप व तिरस्काराबद्दल लिहिले आहे. तिसऱ्या व चौथ्या प्रकरणात शिवला जगाकडे दयार्द नजरेने पाहायला देवी कसे शिकवते याबद्दल माहिती आहे. पाचव्या व सहाव्या प्रकरणात शिवाचे दोन पुत्र गणेश व मुरुगन यांच्यासंबधात माहिती आहे, तर अखेरच्या प्रकरणात शिव नृत्यकलेमधून ज्ञानप्रदान करणारा जाणकार शिक्षक कसा आहे, ते सांगितले आहे.
-
Tin Dagadachi Chul (तीन दगडाची चूल)
2001सालातील लक्ष्मीबाई टिळक राज्य पुरस्कार तसेच भि. ग. रोहमारे ग्रामीण साहित्य पुरस्कार यासारख्या सन्माननीय पुरस्काराने गौरवलेले हे पुस्तक वाचकाला अस्सल जीवनानुभवाचा प्रत्यय देते. भटक्या विमुक्त जमातींच्या अपार दु:ख, दैन्य, हालअपेष्टांची ओळख करून देणारे हे पुस्तक. गावोगाव भटकणार्‍या कुटुंबातील दारिद्र्यात होरपळणार्‍या मुलीचा विवाहानंतर समाजकार्यकर्ती म्हणून घडलेला विकास, त्याचा प्रवास हा या पुस्तकाचा सशक्त गाभा. नवा जीवन संस्कार घडवणारं मौलिक आत्मकथन.
-
Vishnuchi Saat Rahasye (विष्णूची सात रहस्ये)
हिंदू धर्मात भगवान विष्णू हा देव केंद्रस्थानी आहे. सृष्टीचे नियमन करणाऱ्या विष्णूबद्दल अनेक कथा प्रचलित आहेत. विष्णूची प्रतीके व संस्काराच्या कर्मकांडाबद्दल सातत्याने सांगितले जाते. जगाच्या कल्याणासाठी जे नऊ अवतार होऊन गेले ते विष्णूचेच असल्याचे मानले जाते. विष्णू देवतेचे महत्व, कथा, प्रतीके, त्याचे संसारी रूप देवदत्त पटनायक यांनी 'विष्णूची सात रहस्ये 'मधून उलगडली आहेत. यात विष्णू, ब्रह्मा, इंद्र या देवांची निर्मिती, त्याच्या मानवाशी निगडीत संदर्भ दिले आहेत. नारदाची जन्मकथाही आहे. विष्णूचे मत्स्य, कूर्म, वामन, नरसिंह, राम, कृष्ण आदी अवतार, त्यांची कथा, त्यांचे कार्य, मनुष्याची निर्मिती, त्यांच्या मदतीसाठी धावून आलेला विष्णू, माणसांमध्ये पूजल्या जाणाऱ्या विष्णूची विविध रूपे, बलरामाचे महत्त्व, शुभ्र घोड्यावर बसलेला आणि हातात तलवार घेतलेला योद्धा म्हणजे साऱ्या गोष्टींचा नाश करणारा विष्णूचा कल्की अवतार व या सर्वांचे मनुष्याच्या आयुष्याशी व वर्तनाशी जोडलेला संबंध यांचे रहस्य आपल्यापुढे यातून मांडले आहेत.
-
A.P.J.Abdul Kalam Ek Vyaktivedh (ए.पी.जे. अब्दुल क
विख्यात अणुशास्त्रज्ञ! भारतीय क्षेपणास्त्रांचे शिल्पकार! भारताचे राष्ट्रपती!
-
Mendhpal Pravas Na Sampanara (मेंढपाळ प्रवास न संप
प्रा. ब . स. मंचरे. … मेंढपाळांच्या प्रवासाने गांव संपतात पण वाटा संपत नाहीत. कधी संपेल यांची भटकंती यांना मिळतील का हक्काची घंर जगायला अन्नपाणी आणि लेकरांना शिक्षण हा प्रश्न माझा नाही , तुमचाहि नाही हा प्रश्न आहे तमाम मेंढपाळांचा जिणं जगणाया शेषीतांचा...