-
Superhero Dr.Anand Nadkarni (सुपरहिरो-डॉ.आनंद नाडक
मनोविकार ते मनोविकास हा पंचवीस वर्षांचा प्रवास! मानसिक आरोग्य आणि समज यांच्यातली दरी दूर करण्याच्या ध्यासाने झपाटलेला 'शहाण्यांचा डॉक्टर' म्हणजे डॉ. आनंद नाडकर्णी. ठाण्यातली आय पी एच संस्था,पुण्यातलं मुक्तांगण व्यसनमुक्ती केंद्र याद्वारे 'सदृढ मन सर्वांसाठी' या ध्येय वाक्याचा उद्घोष करणारा कुशल संघटक, भारतातल्या औद्योगिक विकासासाठी कॉर्पोरेट ट्रेनर, उगवत्या आंतरराष्ट्रीय खेळाडूंसाठी मेनटॉर, गुणवान कलाकार आणि हरहुन्नरी मुलांसाठी मार्गदर्शक, मनोरुग्ण आणि त्यांच्या कुटुंबासाठी आधार असा हा कार्यकर्ता डॉक्टर - तुमचा आमचा 'सुपरहिरो!'
-
Ekatrit Vichar Karuya (एकत्रित विचार करूया)
शालेय शिक्षणात पाठ्यपुस्तकं शिकवण्या बरोबरच शिक्षक म्हणून आपली जबाबदारी फार मोठी आहे. शिक्षणा बरोबरच मुलांचा एक संवेदनशील, जबाबदार, उत्तम नागरिक म्हणून विकास होण्यासाठी जगण्यातल्या अनेक मुल्यांची त्यांना जाणीव करून देणं, ती मुल्य मुलांमध्ये रुजवणं हे फार महत्वाचं काम शिक्षकांना करायचे असते. नैतिक मूल्याच हे शिक्षण पाठ्यपुस्तकातल्या धड्या सारखं शिकवता येत नाही. आपल्या आसपासच्या घटनांवर मुलांशी संवाद साधून त्यांना आपल्या भवतालचे जग, माणसं,पर्यावरण समजावून घेण्यासाठी शिक्षकांनी मदत करणं अपेक्षित आहे. धर्म म्हणजे काय? प्रगती म्हणजे काय? मन, भावना,विचार यांचा नेमका अर्थ काय? आत्मनिर्भर होणं,वाटून घेण्यातला आनंद घेणं? नातेसंबंध,स्पर्धा,सौंदर्य यांचं जगण्यातलं स्थान काय? या सगळ्या विषयावर अत्यंत सहृदयतेने,विश्वासाने मुलांशी चर्चा करत हे पुस्तक शिक्षक,मुलांना नवा दृष्टीकोन बहाल करते.
-
Kalpakteche Gupit (कल्पकतेचे गुपित)
एक साधासुधा दिसणारा 'मॅनेजमेंट गुरु' राघव कॉर्पोरेट जगातल्या 'अर्जुन'ला भेटतो. त्याला भूतानला नेउन एक महिन्यांची कल्पकतेची शाळा घेतो. कल्पक विचार मांडताना तो प्रत्यक्षात वापरायची प्रक्रिया हि शिकवतो. अनेक प्रकारच्या प्रश्नावल्या सोडवून घेतो, खूप माहिती देतो आणि विविध विचार मांडतो. प्रशिक्षणाच्या शेवटी अर्जुनला जाणवतं - कल्पक असणं फार गरजेचं आहे. एक आनंदी माणूस असायला,एक चांगला मुलगा असायला,यशस्वी कर्मचारी असायला,निरोगी समाजाचा घटक असायला,समृद्ध देशाचा नागरिक असायला आणि एक प्रियकर असायलाही! व्यक्ती,समाज ,कुटुंबातली आणि समाजातली व्यक्ती यांच्या आनंदी समृद्ध जगण्यासाठीच्या प्रशिक्षणाची हि हस्तपुस्तिका तुम्हालाही सांगेल कल्पकतेच गुपित!
-
Chalishitala Break (चाळिशीतला ब्रेक)
ब्रिटनच्या एक प्रमुख जाहिरात कंपनीत उत्तम नोकरी करणाऱ्या नायजेल मार्शच आयुष्य परिपूर्ण आहे. त्यांनी वयाची चाळीशी गाठली आहे. या वयात येणारा कामाचा ताण त्यांच्या वर आहे. करियर,लग्न,चार मुलं आणि पत्नी यांच्या अपेक्षा पूर्ण करण्यासाठी ते प्रयत्न करत आहेत. पण एक दिवस त्यांची नोकरी जाते आणि सगळं काही बदलत जातं. नायजेल मार्श ह्या वर्षभराच्या रिकाम्या वेळात वजन कमी करतात. समुद्रात पोहण्याच्या शर्यतीत भाग घेण्यासाठी सराव करतात. चित्रकलेचा जुना छंद पुन्हा सुरु करतात. पत्नी, मुलांच्यासाठी वेळ काढून आयुष्यातल्या लहान-लहान गोष्टीतला आनंद पुन्हा नव्याने अनुभवतात. दारूच्या व्यसनातून पूर्ण मुक्त होतात. सहज, सोप्या दिसणाऱ्या या गोष्टीतून आयुष्य अधिक अर्थपूर्ण,आनंदी अधिक अर्थपूर्ण,आनंदी जगण्याचं स्वप्न पाहायला शिकवतात.