-
Dayri Apanga Jagrachi (डायरी अपंग जागराची)
डॉ. त्र्यंबक दुनबळे यांनी 'अली यावर जंग' या राष्ट्रीय श्रवण-विकलांग संस्थेत माध्यम अधिकारी म्हणून दोन दशकांपेक्षाही अधिक काळ व्यतीत केला. कामानिमित्तनं त्यांनी मणिपूरपासून अहमदाबादपर्यंत आणि जम्मूपासून चेन्नईपर्यंत देशभर प्रवास केला. त्यातून आलेल्या अनुभवांतून हे पुस्तक आकाराला आलं आहे. मात्र हे केवळ अनुभव नाहीत, हे संशोधनही आहे. शास्त्रीय माहिती आहे. कार्यकर्त्याच्या, संघटकाच्या भूमिकेतून पाहिलेली माणसे, अनुभव आहेत. हे सर्व येतं ते सोप्या, सुलभ भाषेत. अपंगत्व हे पुस्तकाच्या केंद्रस्थानी आहे. अपंगत्वाचे प्रकार आणि व्याख्याही ते सांगतात. त्यांना आवश्यक असणाऱ्या साधनांची, तंत्रज्ञानाची माहितीही ते देतात. विशेषतः कर्णबधिरपणासंबंधी असं विवेचन क्वचितच वाचायला मिळतं.
-
Mi Anubhavleli America (मी अनुभवलेली अमेरिका)
अमेरिकेला जाताय? ही अमेरिका आहे तरी कशी? कसं जायचं? केव्हा पोहचायचं? नव्या नवलाईचं जग कसं न्याहाळायचं? असे अनेक प्रश्न मनात उभे राहतात. पासपोर्ट,व्हिसापासून अमेरिकेत फिरण्यापर्यंत प्रत्येक बाबतीत आपल्यासमोर प्रश्नचिन्ह असते. अशा या नवख्या अमेरिकेचं बारकाव्यासहीत इत्थंभूत वर्णन या पुस्तकात वाचायला मिळतं आणि हे अनोळखी जग क्षणार्धात आपलंसं होऊन जातं.
-
Grace-Sarangsudha (ग्रेस-सारंगसुधा)
'सारंगसुधा' हे कवीचे काव्यनाम. या नावावरूनच लक्षात येते कि या कवीचे अंत:करण सौंदर्यलोलुप 'कवी'चे आहे : त्याला जीवनातील प्रत्येक सुखदु:खात सौंदर्याचाच प्रत्यय येतो. हा सौंदर्यप्रत्यय तो मुख्यतः रंगप्रतिमांतून व्यक्त करतो. हे ठीक आहे; पण असे करताना स्वाभाविकच त्याच्या आवडत्या कवीची छाया त्याच्या शैलीवर पडते : कवीने कोणाचेच - स्वतःच्या जुन्या कवितांचेही- अनुकरण करू नये! प्रतिभेस नवनवोन्मषशाली प्रज्ञा' म्हणतात ते उगाचच नव्हे! कवी सारंगसुधा हे मराठी साहित्याचे प्रशिक्षित अभ्यासक नव्हत; त्यांचे कार्यक्षेत्र वेगळेच आहे. त्या क्षेत्रातील जाणीव आणि प्रतिमा त्यांच्या काव्याला पृथात्मता मिळउन देतील!