-
Shakakarte Shivray (शककर्ते शिवराय)
महाराज! जिवंतपणा, जागेपणा, बाणेदारपणा, ईश्वरापर्णवृत्ती या गुणसमुच्चयाचं सगुण रूपं असलेल्या जीजाबाईसाहेबांचे पोटी जन्म घेऊन असं एक हिंदवी-स्वराज्य आपण आम्हाला दिलंत की, बैराग्याची छाटी हाच जिथला झेंडा होता! हर हर महादेव हाच जिथला महामंत्र होता! सह्याद्रीच्या कुशीतील गोरगरीब मावळे हेच जिथलं बळ होतं ! हे राज्य श्रींचे' हाच जिथला अढळ विश्वास होता!- आणि, महाराष्ट्रधर्म वाढविणं हाच जिथला कर्मयोग होता! या हिंदवी स्वराज्याच्या आदर्शानुरूप नवे राष्ट्रशिल्प घडविण्याची जिद्द आमच्या अंतःकरणात स्फुरण पावू द्या... या कळकळीच्या प्रार्थनेसह हे शब्दबिल्व आपल्या चरणी समर्पित! (खंड १ व २ एकत्र)
-
Maharajyanchya Mulukhat (महाराजांच्या मुलुखात)
महारजांचा मुलुख! सह्याद्रीच्या खोल पातळदरया आणि उत्तुंग सुलक्यांनी भरलेला. साथीला काटेरी निवडुंग. किनारपट्टीलगत खळखळणारा दर्या या दर्यात नि डोंगर माथ्यावर राजांचे दुर्गम दुर्ग. महाराजांच्या पदस्पर्शाने पावन झालेले. ओबडधोबड दिसणारया या महारजांचा मुलुखात अनेक प्रवासी भक्तीभावनं भटकत असतात, महाराजांच्या पदचिन्हांचा मागोवा घेत. लेखकही असा एक प्रवासी. शिवकाळात कुठेतरी हरवलेला आणि वर्तमानात क्षणोक्षणी धूसर होत चाललेला. महाराजांच्या मुलुखात 'महाराज' शोधायला निघालेला! - जे गवसले ते प्रमाणिकपणे इथे मांडले आहे.
-
Eka Mungiche Mahabharat (एका मुंगीचे महाभारत)
"आपलं जीवन ही एक महाभारतासारखी कथा आहे अशी उत्कट जाणीव प्रत्येकाला असतेच असं नाही. मला मात्र थोडं जाणतेपण आल्यापासून माझंच नव्हे तर माझ्या आसपासचं सर्व ही एक महान कथा आहे नव्हे, तर कथासागर असं उत्कटतेनं जाणवत राहिलेलं आहे. या अनंत कथासागरावर माझ्या जीवनाच्या इवल्याशा होडक्यातून मी केलेल्या मुशाफिरीची ही कथा आहे , हा सारा कथासागर आत्मासात करण्यासाठी लागणारी प्रतिभा आणि कर्तुत्व एखाद्या व्यासाला लाभतं. मला या गोष्टी लाभलेल्या नाहीत ते उत्तरोउत्तर अधिकाअधिक जाणवत गेलेलं आहे पण असं असूनही जिद्ध मात्र बाळगली ती व्यासानं केलं तसं काही करण्याची. हे किती हास्यपद आहे हे कळण्याइतकी विनोदबुद्धी मला सुदैवान लाभली आहे. पण म्हणून ती जिद्ध काही कमी झाल नाही. म्हणून या आत्मकथेला मी 'एका मुंगीचे महाभारत' म्हटलं आहे. या मुंगीला जसा व्यासांचा संदर्भ आहे, मानवी जीवनाच्या व प्रयत्नांच्या हास्यास्पदतेचा संदर्भ आहे तसाच मर्ढेकरांच्या कवितेचाही आहे. खरं म्हणजे शेक्सपिअरपासून आयनेस्कोपर्यंत तिला अनेक वाड्मयीन संदर्भ आहे."
-
Babulmora(बाबुलमोरा)
ऐतिहासिक व सरंजामशाही वातावरणाला साजेशी खानदानी डौलदार ललितरम्य भाषाशैली, रोमँटिक प्रतिमासृ, आखीव रेखीव नाट्यपूर्ण कथानक. या वैशिष्ठ्यांनी सजलेला हा कथासंग्रह. या संग्रहातील सहा कथा ऐतिहासिक आणि दहा स[...]