-
Bhinna (भिन्न)
माणसं अगदी सहजतेनं काही माणसांना वेगळं टाकतात. जात-धर्म-रंग भेद, आर्थिक भेद, स्त्री-पुरुष भेद, निरोगी-विशिष्ट रोगांनी पीडित भेद... अशावेळी ’एड्स’सारख्या शारीरिक रोगानं पीडित, समाजाच्या विखारी आरोपी नजरांच्या विळख्यात आणि कुटुंबाच्या गिलोटीन खाली जगण्याचा प्रयत्न करणार्‍यांचं काय होत असेल? हे सगळे मिळून किती तर्‍हांनी डोकी ’भिन्न’ करतात. पण एका क्षणी अशांचं हे वेगळेपणच शक्ती, ऊर्जा, चेतना झालं तर? आयुष्याच्या एका टप्प्यावर जगणं निरर्थक वाटू लागलेलं असतानाच मरणंही निरर्थक आहे, याची पाठोपाठ झालेली जाणीव! अशावेळी आपल्या वाट्याला येणार्‍या प्रत्येक क्षणाला अर्थ द्यावा असं वाटणार्‍या, जगावंसं वाटणार्‍या, चांगलं जगावंसं वाटणार्‍या ’एड्स’ ग्रस्तांची ही कहाणी. माणसांना ’भिन्न’ करणार्‍या शकलित बुद्धीच्या माणसांपेक्षा या अशा प्रकारे ’भिन्न’ ठरलेल्यांची कहाणी-
-
Maza Motivatar Mitra (माझा मोटिव्हेटर मित्र)
माझा मोटिव्हेटर मित्र हे अगदी सरळ, सोपं, हलकंफुलकं परंतु तितकंच विचारपरिवर्तन करणारं आणि प्रेरणादायी असं आगळंवेगळं पुस्तक आहे. वैयक्तिक आणि व्यावसायिक क्षेत्रातील अग्रगण्य प्रशिक्षक अतुल राजोळी यांनी या पुस्तकात यशप्राप्तीचे ५० निरनिराळे मैत्रिपूर्ण कानमंत्र दिले आहेत. 'कोणत्याही व्यक्तीला, कोणत्याही वेळी, त्याला आवश्यक मार्गदर्शन व मोटिव्हेशन देंण' असा अतुलचा या पुस्तक मागील खरा हेतू आहे. म्हणूनच कोणत्याही व्यक्तीच्या आयुष्यात अर्थपूर्ण परिवर्तन घडवून आणण्यासाठी प्रभावी तंत्रं या पुस्तक मध्ये त्यांनी अतिशय सहज शैलीत मांडली आहेत. आपल्या आयुष्यात उत्तुंग प्रगती साधण्यासाठी, आपली वैयाक्तिक आणि व्यावसायिक स्वप्नं साध्य करण्यासाठी या पुस्तकातील परिणामकारक कानमंत्र नक्कीच मार्गदर्शक ठरतील. यशाच्या दिशेने वाटचाल करत असताना आपल्यासोबत प्रत्येक क्षणी हा मोटिव्हेटर मित्र साथ देण्यासाठी तत्पर असेल.
-
Aaushadhbhan (औषधभान)
औषधसाक्षर होण्यासाठीचे ' रामबाण ' पुस्तक! औषधांचा अतिवापर, कमी वापर किंवा चुकीचा वापर टाळून योग्य पद्धतीने वापर व्हावा यासाठी संग्रही असायलाच हवे असे रामबाण पुस्तक. औषध तेच - जबाबदारीने वापरले तर अ[...]
-
Kshitij Jase Disate (क्षितिज जसे दिसते...)
संगीतकार- कवी-गायक श्री. कौशल इनामदार यांच्या संगीताइतक्याच समर्थ लेखणीचा अविष्कार.
-
Jagar (जागर)
श्री. दीपक चैतन्य मध्य प्रदेश आणि महाराष्ट्र एक चांगले साहित्यिक म्हणून ओलखले जातात.त्यांचे आजपर्यंत अनेक कथासंग्रह, कविता संग्रह, नाटके, कादंबर्‍या प्रासिध्ह झाल्या आहेत. त्यांच्या साहित्याला महाराष्ट्र शासनाने आणि अन्य संस्थांचे प्रतिष्ठेचे पुरस्कार प्राप्त झाले आहेत. ह्याचबरोबर त्यांनी विपुल वृत्तपत्रिय लेखनही केलं आहे. 'सकाळ' य लोकप्रिय दैनिकाच्या 'अँग्रोवन' या शेतीविषयक दैनिकाच्या रविवारच्या पुरवणित श्री. चैतन्य यांच्या 'जागर' या स्तंभात प्रासिध्ह झालेल्या लेखांचा हां संग्रह वाचकांना संग्राह्य असाच आहे.
-
Picasso (पिकासो)
पिकासोचे कलाजीवन जितके रोमहर्षक तितकेच त्याचे प्रेमजीवनही चित्तथरारक ! फर्नान्द ऑलिव्हिए आणि फ्रान्स्वाज गिय्यो यांच्यासारख्या त्याच्या प्रेयसींनी त्याच्याबरोबर व्यतीत केलेल्या दिवसांच्या सुरस आणि चमत्कारिक कहाण्या लिहून ठेवलेल्या आहेत. जाकेलीन रॉकसारख्या सहधर्मचारिणीने पिकासोच्या उतारवयात त्याची नेकीने साथ केली. ज्या दिलदारपणाने आपल्या मुलाबाळांचा सांभाळ केला त्याच नेकीने त्याने शिल्पकला, मुद्राचित्रे आणि मातीकाम या कलांना आपले सर्वस्व वाहिले. विसाव्या शतकाच्या कलेच्या इतिहासात पिकासो एखाद्या उत्तुंग खडकासारखा उभा आहे. नव्वदपेक्षा जास्त वर्षे कार्यक्षम राहिलेल्या या अलौकिक कलावंताच्या जीवनाचे आणि प्रतिभेचे रहस्य शोधून काढण्याचा हा एक सच्चा प्रयत्न आहे.
-
Bonsay (बॉनसाय)
आधुनिक काळात अनीतिमान व्यवहाराला प्रतिष्ठेचे स्वरूप येऊ लागले आहे. स्वाथी मनोवृत्ती वाढू लागली आहे. मोठ्या मानाच्या प्रतिष्ठेचा जागेवर फार छोटी, खुरट्या मनोवृत्तीची, अनीतिने वागणारी माणसे स्थानापत्र होऊ लागली आहेत... शिक्षण-क्षेत्रातही नैतिक मूल्यांची घसरण होत आहे. सत्तास्पर्धा, भ्रष्टाचार शिक्षणक्षेत्रात बोकाळला आहे. शिक्षणक्षेत्रातील अशा भ्रष्ट व्यवहाराचे चित्रण सुभाष भेण्डे यांनी समर्थपणे `बॉनसाय’ या कादंबरीतून केले आहे. -विश्र्वनाथ शिंदे शिवाजी विद्यापीठ, कोल्हापूर कादंबरीतील प्रसंग, प्रसंगांचा तपशील, त्यांत वावरणारी आणि भाग घेणारी पात्रे कादंबरी वाचत असताना माझ्या डोळ्यांसमोर पिंगा घालत होती. त्यातील प्रत्येक पात्र पुणे विद्यापीठातीलच आहे, असा मला भास होत होता. कादंबरीमध्ये विद्यापीठ कारभाराच्या अनेक प्रकरणांचे पुरेपूर प्रतिबिंब पडलेले आहे हे कोणाही जाणकाराच्या सहज ध्यानात येईल. प्रा. एन. सी. (शरद) जोशी कार्यकारिणीचे माजी सदस्य, पुणे विद्यापीठ आशय, विषय आणि मांडणी या सर्वच दृष्टींनी कादंबरी सुदृढ झाली आहे. अशा लेखनातून आत्मिक समाधानाबरोबरच चिंतनाला एक दिशासुद्धा मिळत असते यात शंका नाही. - प्रा. सदानंद देशमुख - जानेफल, जि. बुलढाणा `बॉनसाय’मधील प्रवृत्ती मूलतः मानवी प्रवृत्ती आहे. आजही ही किडलेली प्रवृत्ती समाजातील इतर क्षेत्रांप्रमाणे पवित्र समजल्या जाणार्या विश्र्वविद्यालयातील शैक्षणिक क्षेत्रात कशी फोफावली आहे याचे अत्यंत प्रत्ययकारी चित्रण या कादंबरीत आले आहे. - प्रा. विद्या प्रभुदेसाई - फोंडा, गोवा
-
Attar Aani Gulabpani (अत्तर आणि गुलाब पाणी)
ललितलेखक रवींद्र पिंगे हे हरहुन्नरी लेखणीचे धनी आहेत. व्यक्तिचित्रं रेखाटणं हा त्यांचा हातखंडा. जयवंत दळवी, प्रभाकर माचवे, हमीद दलवाई, सुमती पायगावकर, सेतु माधवराव पगडी अशा भिन्न पिंडांच्या साहित्यसेवकांची ही जिवंत दर्शनं. आस्वादक दृष्टिकोन, माहितीचे बारीकसारीक कण आणि स्वयंभू बाजाची आकर्षक भाषाशैली हे पिंगे ह्यांचे व्यक्तिरेखाटनाचे विशेष आहेत.