-
Jeevanmritruchaya Seemareshevarun
अतिदक्षता विभागाची पूर्ण वेळ जवाबदारी संभाळताना 'जीवन मृत्यूच्या सीमेवरचं सततचं युद्ध! मानवी प्रयत्नांची पराकष्टा, अतिदक्षता विभागानं पुष्कळ काही शिकवलं, मानवी जीवन बांधल्याचा आनंद तर असतोय. पण वॆैद्यकीय क्षेत्राच्या मर्यादाही जाणवतात. निसर्ग स्वतः च काम करत असताना; डॉक्टर त्यातल्या आणीबाणीच्या परिस्थितीतून तरुण जाण्यासाठी कारणीभूत ठरू शकतो. आणि वॆैद्यकीय उपचारांच्या अतिरेकानं तेच उपचार दुधारी शस्त्र ठरू शकतात. ही लक्ष्मणरेषा ओळखणं हे प्रगल्भ डॉक्टरांच काम...
-
Champion Va!
छोट्या दोस्तांनो, 'चॅम्पियन' व्हायचंय ? मग खास तुमच्यासाठी आहे, पंचतंत्र, नव्हे पंचसूत्र ! प्रथितयश लेखिका डॉ. रमा मराठे यांच्या सिद्धहस्त लेखणीचा नवा आविष्कार! तुम्हाला समजेल अशा सहज-सोप्या भाषेत व्यक्तिमत्त्वाच्या सर्वांगीण विकासासाठी गोष्टीरूप खजिना... अभ्यास, आरोग्य, आत्मविकास, संस्कार, सामाजिक बांधीलकी ही पंचसूत्री करा आत्मसात आणि... गुणवंत व्हा ! यशवंत व्हा ! जयवंत व्हा ! सुखानं राज्य करा !
-
Piece Of Cake
वय वर्षे 13 : 'बाटा'च्या दुकानात 'मेन्स सेक्शन'मध्ये बुटांची खरेदी. वय वर्षे 15 : दातांना हिरव्या रंगाच्या ब्रेसेस आणि डोळ्यांना चष्मा असलेल्या मुलानं मैत्री सोडली. वय वर्षे 26 : नेभळट जग्गू 'बॉस' म्हणून मिळाला. वय वर्षे 29 : 'हिंदुस्थान टाइम्स'च्या 'विवाह विषयक' जाहिरातीत 'किरकोळ' विभागात प्रथमच आलेली छोटी जाहिरात. मीनल शर्मा, एमबीए, वय वर्षं एकोणतीस, उंची पाच फूट दहा इंच; जरा अधिकच कार्यान्वित झालेली सदसद्विवेकबुद्धी आणि ऐटबाजपणा. मीनलला सगळं काही पाहिजे. इंटरनॅशनल फूड्समध्ये यशस्वी 'करिअर', करिअरला जुळणारी जीवनपद्धती आणि एक 'कूल' तरुण, जो तिला हि-यांचे दागिने देईल, फुलं देऊन स्वागत करेल आणि तिच्या विनोदांना हसून दाद देईल, असा. पण तिच्या आयुष्यात आत्तापर्यंत घडलेल्या ओशाळवाणं करणा-या घटनांकडे नजर टाकली, तर हे सगळं तेवढं साधंसोपं नाही हे लक्षात येतं. विशेषत: जेव्हा तिच्या आईनंच तिचं लग्न जमवायला पुढाकार घेतलाय आणि मीनलला आता आयुष्याचा जोडीदार निवडताना एक तल्लख पण कंटाळवाणा कॅन्सर स्पेशालिस्ट आणि वादळी व्यक्तिमत्त्वाचा 'सेक्सी' रेडिओ जॉकी हे दोन पर्याय आहेत. भरीत भर म्हणून तिचा एक खोडसाळ बालमित्र आहे, आता तिचा सहकारी, जो तिचं 'करिअर' बरबाद करण्याची संधी दवडू इच्छित नाही. खोडकरपणानं भरलेली ताजीतवानी कथावस्तू वाचकाला प्रफुल्लित करत उत्सुकतेनं पानं उलटवीत ठेवते, पुस्तक वाचून पुरं होईपर्यंत...
-
The Waking Call
कॉर्पोरेट वर्ल्ड, कॉलसेंटर, ग्लोबल इकॉनॉमी, कटथ्रोट कॉम्पिटीशन यामुळे गतिमान झालेल्या अर्थव्यवस्थेवरील वेगवान शैलीतील, वाचकांना अंतर्मुख करणारी कादंबरी