Showing Books By Author : Dr. Sandeep Shrotri

Jee Van Tyanna Kalale Ho (जी वन त्यांना कळले हो)

पुस्तकाविषयी जंगल, निसर्ग आणि जैवविविधतेचे रक्षण करण्यासाठी अनेक संशोधक, निसर्गशास्त्रज्ञ आणि संवर्धनकर्त्यांनी आपले संपूर्ण आयुष्य अर्पण केले. त्यांनी केवळ संशोधनच केले नाही, तर आपल्या ‌जीवाची बाजी लावून जंगल आणि प्राण्यांचे रक्षण केले. अशा थोर व्यक्तिमत्त्वांचा सखोल अभ्यास करून त्यांची ग्रंथसंपदा, उत्क्रांतीमध्ये झालेले बदल, त्यांची सामाजिक, आर्थिक आणि कौटुंबिक माहिती एकत्र करून, ती अगदी अर्थपूर्ण भाषाशैलीत लेखकाने या पुस्तकातून मांडली आहे. हे पुस्तक म्हणजे आपण आपले जीवन कसे जगावे, हे सांगणारे प्रेरणास्रोत आहे

Kanchangangechya Kushit (कांचनगंगेच्या कुशीत)

कांचनगंगा शिखर आणि त्याच्या आसपासचा भूभाग म्हणजेच महाभारत काळातील किरात राजांचा प्रदेश. दऱ्यांमागून दऱ्या, घनदाट जंगलं, असंख्य प्राणी-पक्षी, मुळात हा सर्व परिसरच अस्पर्श अशा निसर्गसौंदर्यानं भरलेला आहे. येथील अभयारण्ये जगातील निसर्गदत्त वारसाहक्क स्थळांपैकी एक आहेत. जोसेफ हूकर सारखे वनस्पती शास्त्रज्ञ येथील निसर्ग सौंदर्याने भारून गेले होते. निसर्गाच्या जोडीला हा परिसर धार्मिक, सांस्कृतिक आणि ऐतिहासिक अंगाने देखील समृद्ध आहे. जगातील तिसरे सर्वोच्च शिखर म्हणून या कांचनगंगा शिखराला लौकिक प्राप्त झाला आहे. कांचनगंगा शिखर रांग खूप मोठी आहे. या शिखराला अनेक नावांनी ओळखतात- कांचनगंगा, खान्नचेनझोंगा, कांगचेनजुंगा इत्यादी. याच्या 'कांग-चेन-झोन्गा' या तिबेटी नावामध्ये आणखी एक अर्थ दडलेला आहे, तो म्हणजे पाच ऊर्जास्रोतांचा साठा किंवा उगम. अशा या शिखराच्या पायथ्याशी केलेली मनसोक्त भटकंती म्हणजे हे पुस्तक

Kaas Plateau Of Flowers

Inka Chi Devdari (इंका ची देवदरी)

इंका संस्कृती : गूढ, रहस्यमय, अनाकलनीय.दक्षिण अमेरिका खंडातील सर्वात मोठे पाचशे वर्षांचे साम्राज्य. स्वत:ला सूर्यपुत्र समजणारी, निसर्गाला देव मानणारी, सोन्याचांदीच्या ढिगामध्ये लोळणारी, दोNयाच्या गाठी मारून संदेश पाठवणारी,शेकडो टनांचे पाषाणखंड कापून अगम्य, अवाढव्य बांधकामे करणारी.पंधराव्या शतकात स्पॅनिश आक्रमकांनी इंका साम्राज्य धुळीस मिळवले, नंतरच्या चारशे वषांत इंका संस्कृती हळूहळू नष्ट झाली.पण एके दिवशी स्पॅनिशांच्या तावडीतून वाचलेले इंकांचे ‘गुप्त’ शहर सापडले –‘माचूपिच्चू’ !अवघे विश्व चकित झाले, पाषाणखंड हळूहळू बोलके झाले,‘इंका’चा सप्तरंगी झेंडा गौरवाने आकाशात फडकायला लागला,सोने लुटून संपले होते, पण अजस्र पाषाणखंडांना सोन्याचे मोल आले,त्याचीच ही कहाणी

Rahasyamay Peru (रहस्यमय पेरू)

Manuche Aranya Amazonchya Khoryatil Jangalbhatkant

‘मनू’ हे नाव आहे पेरू देशाच्या दक्षिणेला उगम पावणाऱ्या अन् नंतर महाकाय अ‍ॅमेझॉनला मिळणाऱ्या या एका नदीचे. अ‍ॅमेझॉनचे खोरे म्हणजे पृथ्वीतलावरील जैवविविधतेने स समृद्ध अशी जागा. पक्ष्यांची रंगीबेरंगी पिसारी दुनिया असो, हजारो प्रकारच्या वेगवेगळ्या वनस्पतींचे बहरलेले विश्व असो, जलचर अन् उभयचर प्राण्यांपासून कीटक अन् सस्तन प्राण्यांपर्यंतच्या हजारो प्रजाती असोत, या साऱ्या विविधांगी, विविधरंगी जीवसृष्टीला अंतरंगात सामावून घेणारे मनूचे अरण्य. पेरू देशाच्या आग्नेय भागात अँडीज पर्वताच्या उतारावर वसलेल्या या सदाहरित घनदाट जंगलात एका झपाटलेल्या निसर्गप्रेमीने मनसोक्त भटवंती केली. त्या भटवंतीतून नजरेपुढे साकार झालेले, शब्दांतून अन् छायाचित्रांमधून पानांवर उमटलेले मनुचे अरण्य: मोठा आकार, विपुल रंगीत/ कृष्णधवल छायाचित्रे.

Kasavanche Bet (कासवांचे बेट)

Kateri Keniyachi Mulayam Safar (काटेरी केनियाची मु

केनिया आणि संपूर्ण पूर्व आफ्रिकेची भूमी हि वन्यजीव संपत्तीने नटलेली... सर्वच निसर्गप्रेमींना तेथे पुन्हा पुन्हा जायला आवडतं... छायाचीत्रणासाठी तर हा गवताळ प्रदेश म्हणजे स्वर्गच! त्याच प्रदेशाच्या प्रेमात पडलेले डॉ.संदीप श्रोत्री यांच्या नजरेतून टिपलेली आणि लेखणीतून उतरलेली हि केनियाची स्वर्गभूमी! हे निव्वळ प्रवासवर्णन नाही,केवळ वन्यप्राण्यांचे अनुभव नाहीत... तर त्याहीपलीकडे जाऊन तेथील समृद्ध परिसंस्था आणि मसाई-स्वाहिली संस्कृती,उत्क्रांतीशास्त्र,मानववंशशास्त्र,पुरातत्व संशोधन या दृष्टीने त्याचं महत्व,तिथली राजकीय,भौगोलिक आणि भूगर्भशास्त्रीय मीमांसा,तेथील वन्यजीव सृष्टीला असलेले मानव आणि निसर्गनिर्मित धोके,ते वेळीच ओळखून त्यांच्या संवर्धनासाठी सर्वस्व अर्पण करणाऱ्या व्यक्ती,केवळ सफारीवर अवलंबून असलेलं केनियाचं अर्थकारण,निसर्ग पर्यटन आणि शाश्वत विकासाचा दाखवलेला नवा आदर्श,या सर्वांचा हे मुक्तचिंतन वाचकाला स्तिमित परंतु अस्वस्थ करेल हे नक्की.

Saad Annapurnechi (साद अन्नपूर्णेची)

Mark Englis (मार्क इंग्लिस)

हा माणूस एव्हरेस्ट चढला त्याची गोष्ट ....मार्क इंग्लिस...पाय नसलेला हा माणूस आपल्या कृत्रिम पायांनी एव्हरेस्ट चढला. त्याच्या दुर्दम्य इच्छाशक्तीची, अथक आणि शास्त्रशुद्ध प्रयत्नांची ही गोष्ट आहे. दोन्ही पाय नसताना जगाच्या सर्वोच्च शिखरावर- माउंट एव्हरेस्टवर चढलेला जगातील पहिला आणि आजवर एकमेव असा हा माणूस. न्यूझीलंडमध्ये लेखकाची आणि मार्कची प्रत्यक्ष भेट झाली. त्या वेळी हा प्रचंड ऊर्जेचा स्रोत मराठी माणसांपुढे यायला हवा, असे लेखकाला आतून वाटले आणि या पुस्तकाचा जन्म झाला. पाय नसलेल्या या दंतकथेपुढे माउंट एव्हरेस्टने आपले गुडधे अक्षरशः कसे टेकले, हे वाचायलाच पाहिजे.