Dakshinrang (दक्षिणरंग)

विदेशी पर्यटनाची आपली व्याख्या युरोप, अमेरिका, ऑस्ट्रेलिया आणि सिंगापूर, मालेशियासारखे बजेटमध्ये बसणारे देश यापुरतीच मर्यादित असते. मात्र मीना प्रभू यांचं हे पुस्तक वाचलं, तर पर्यटनाचा नकाशा किती मोठा आणि आगळावेगळा असू शकतो, हे आपल्या लक्षात येतं. कारण प्रभू यांनी या पुस्तकातून दक्षिण अमरिकेतील पेरू, चिले, इक्वाडोर, कोलंबिया या देशांची सफर घडविली आहे. आपल्याला फारशी अथवा काहीही माहिती नसलेल्या या देशांचं वेगळेपण, तेथील संस्कृती, तेथील जीवन, माणसं, त्यांच्या चालीरीत, परंपरा, संस्कृती आदींची माहिती या पुस्तकात मिळते. प्रभू यांनी दक्षिण अमेरिकेत पावणेतीन महिने राहून तिथलं जीवन अनुभवलं आहे. त्यामुळे प्रत्यक्ष अनुभवांचं सच्चेपण लेखनाला लाभलं आहे.