-
Kotha Sangen (खोट सांगेन )
प्रत्येकाचे आयुष्य वेगळे असते. माणसाच्या भोवतालची माणसे, परिस्थिती, वातावरण वेगळे असते. अशा वेगळ्या वातावरणातील अनुभवाची कादंबरी उर्मिला देशपांडे यांनी लिहीली आहे. खोटं सांगेन... मधून व्हर्जिनिया उर्फ जिनी ही नायिका तिच्या आयुष्याचा पट वाचकांसमोर उलगडते. जिनीच्या आयुष्यातील घटना, प्रसंग, प्रेम, राग, लोभ आदी भावनांतून निर्माण झालेले नाट्य यात आहे. अमेरिका, श्रीलंका, जपान, हॉंगकॉंग हे देश तसेच भारतातील महाराष्ट्रातून जीनीचा प्रवास पुढे सरकत राहतो. नातेसंबंधाबद्दल बोलणारी, त्याभोवती फिरणारी ही कादंबरी वेगळ्या पार्श्वभूमीवरील आहे. तिचा मराठी अनुवाद उज्वला गोखले यांनी केला आहे.
-
Kunya Ekachi Dharangatha (कुण्या एकाची धरणगाथा)
नाशिक जिल्ह्यातला बागलाण तालुक्याचा परिसर हा वर्षानुवर्षे पाण्यासाठी तहानलेला भाग. इथल्याच गोपाळ मोरे नावाच्या गरीब शेतक-याने हा भाग पाण्यात भिजवण्याची इच्छा मनात धरली आणि तिचा चिवट वृत्तीने पाठपुरावाही केला. या इच्छेपोटी आमदारापासून पंतप्रधानांपर्यंत सगळ्यांचा पिच्छा पुरवला...आणि शेवटी आपल्या दुर्दम्य आकांक्षा आणि परिश्रमांनी धरण मिळवलंच. त्याची ही गोष्ट..इतिहासातले तुटक धागेदोरे जुळवत पन्नास वर्षांच्या अज्ञातवासातून बाहेर काढलेली...