-
Lopalelya Suvarnamudra : Harvat Chalalelya Mhani (
ज्येष्ठ साहित्यिक द. ता. भोसले यांनी या पुस्तकात साडेपाचशे म्हणींची ओळख करून दिली आहे. यातील अनेक म्हणी आज वापरात नाहीत. भोसले यांनी त्या म्हणींचा अर्थ थोडक्‍यात समजावून सांगितला आहे. भाषेचा अभ्यास आणि त्यातील मौज अनुभवता येईल अशा या म्हणी आहेत. राज्याच्या ग्रामीण भागात वेगवेगळ्या म्हणी वापरल्या जातात, त्यादेखील इथं वाचायला मिळतात. या म्हणींमधून ग्रामीण भागातील लोकजीवनदेखील समजून येतं. एखाद्या म्हणीच्या माध्यमातून खूप मोठा आशय व्यक्त करता येतो. या पुस्तकातील म्हणी अशाच महत्त्वाच्या आहेत.
-
Shree-Shillak : Nivruttipurva Ani Nivruttipashchat
चाळीशीचा उंबरठा ओलांडलेल्या सर्वांसाठीच उपयुक्त पुस्तक. - चाळीशीतल्या कौटुंबिक जबाबदाऱ्या निभावता निभावता उत्पन्न आणि खर्चाचा ताळमेळ घालून पुरेशी 'शिल्लक' कशी ठेवायची आणि ती योग्य पद्धतीने कशी गुंतवायची याचे मर्गदर्शन. - खर्च नियोजन, उत्पन्न आणि आवक व्यवस्थापन आणि धोरणी गुंतवणूक या तीनही विषयांचा मागोवा घेणारे पुस्तक. - अनाठायी जोखीम न स्वीकारता डोळस गुंतवणूक करण्यासाठी आवश्यक असणाऱ्या विविध संकल्पनांची माहिती. - पतमापन म्हणजे काय, ठेवी का कर्जरोखे, त्यातल्या त्यात गृहवित्त कंपन्यात ठेवी ठेवतानाचे लाभ काय, महागाईवरचा उपाय म्हणून शेअर्स कडे कसे बघावे, ते करताना काय काळजी घ्यावी अशा अनेक विषयांना स्पर्श. - निवृत्तीनंतरही आपले आर्थिक स्वातंत्र्य जपायचे असेल तर त्याची तयारी नेमकी कशी करावी हे सांगणारे पुस्तक.
-
Prasadachi Vani... Arthath Tuka Mhane (प्रसादाची व
तुकाराम महाराज स्वतःच्या कवितेचे स्पष्टीकरण करताना म्हणतात - 'प्रसादाची वाणी वदतो उत्तरे। नाही मतांतरे जोडियेली।।' तुकोबा ईश्वरी प्रसादाने वेदांचा भाषानिरपेक्ष अर्थ पाहू शकतात कारण संस्कृत भाषेतील वेद ज्या ईश्वराने ऋषींना दाखवला तोच ईश्वर आता तुकोबांना तोच अर्थ दाखवत आहे. फरक हा आहे कि पूर्वीच्या ऋषींनी तो त्यांच्या म्हणजे संस्कृत भाषेतून पाहिला तर तुकोबा तो आता आपल्या म्हणजे मराठी भाषेतून पाहत आहेत. संत बहिणाबाई तुकोबांच्या अभंगाला 'तुकाराम वेद' असे का म्हणतात हे आत्ता लक्षात यावे. तुकोबा हे मंत्रद्रष्टे ऋषी व त्यांचे अभंग म्हणजे तुकोबांची वाणी ही प्रसादाची वाणी आहे. प्रस्तुत संपादनात तुकोबांच्या 'प्रसादाच्या वाणी'तून निघालेले काही अभंग त्यांच्या अर्थासह वाचकांपुढे ठेवले आहेत. 'अग्रोवन' दैनिकातून 'अध्यात्म' या वाचकप्रिय सदरातून प्रसिद्ध झालेल्या अभंगातील निवडक अभंगांचा संग्रह.
-
Jhoke Ameriketale (झोके अमेरिकेतले)
अमेरिका, जगातली, समृद्ध, सशक्त महासत्ता. डॉलरमुळे 'अमेरिका सांगे जग डोले' अशी अवस्था असते. तेथील आर्थिक सुबत्ता अनेकांना या देशात स्थलांतर करण्यास आकर्षित करून लागली. पण अमेरिकेत खरंच सर्व काही छान आहे का ? हा प्रश्न मनात डोकावतोच. याचे उत्तरं सापडते ते डॉ. अनंत लाभसटेवार यांच्या 'झोके अमेरिकेतले'मध्ये कुवेत, इराक, अफगाणिस्तानमधील युद्धामुळे अमेरिकेवर आर्थिक भार पडलेला आहे. तेथे नागरिकांसाठी असलेल्या विविध कल्याणकारी योजना आता सरकारला डोईजड वाटू लागल्या आहेत. अशा योजनांमुळे मध्यमवर्गीय व उच्चभ्रूंवर वाढणारा कराचा बोजा व येथील गरिबांमध्ये काम करण्याची वृत्ती कमी होत आयते खाण्याची वृत्ती बळावत आहे, याचे वर्णन यात आहे. तसेच अमेरिकेत येणारी वादळे, २००८ च्या मंदीचा तडाखा, त्यामुळे अर्थव्यवस्थेला बसलेला फटका, शिकागो, कॅलिफोर्निया, मॅनहटन या शहरांची सद्यस्थिती, तेथील समाजजीवन, अध्यक्षपदाची निवडणूक अशा विविध विषयांवरील अनुभवावर आधारित हे लेखन या महासत्तेचे सर्व बाजू उघड करते.
-
Hoshwalon (होशवालों)
या पुस्तकासाठी डॉ. ओक यांनी गेल्या ४० वर्षांतील ६० गझलांची निवड केली आहे. यांमध्ये जगजितसिंग यांनी स्वरबद्ध केलेल्या गालिब, निदा फाजली, शाहिद मीर, सईद राही, गुलजार, सुदर्शन फाकीर अशा नामवंत उर्दू, हिंदी शायरांच्या गझलांचा समावेश आहे. या ६० रचनांचा स्वतःला भावलेला अर्थ डॉ. ओक यांनी या पुस्तकात शब्दबद्ध केला आहे.
-
Saundaryache Upasak- Kusumagraj (सौंदर्याचे उपासक-
कविवर्य कुसुमाग्रज हे मराठी मनाला कायम आदरणीय राहिलेलं व्यक्तिमत्त्व. त्यांना साहित्यसंमेलनाचं अध्यक्षपद मिळणं, त्यांचा 71 वा वाढदिवस साजरा होणं अथवा त्यांना ज्ञानपीठ हा सर्वोच्च राष्ट्रीय पुरस्कार मिळणं, या घटना संपूर्ण महाराष्ट्राला जिव्हाळ्याच्या वाटणाऱ्या आहेत. अशा काही प्रासंगिक निमित्तानं लिहिलेले लेख आणि त्यांच्या मृत्यूनंतर लिहिले गेलेले लेख यांतून चिकित्सक निवड करून "सौंदर्याचे उपासक कुसुमाग्रज‘ हे पुस्तक साकार झालं आहे. सुमारे तीन हजार लेखांमधून निवड केली असून, पुस्तकात दोन विभागांत त्यांची मांडणी केली आहे. एकूण 31 लेख आहेत कुसुमाग्रजांच्या व्यक्तिमत्त्वाच्या अनेक ज्ञात-अज्ञात पैलूंचं दर्शन या पुस्तकातून घडतं.