-
Lapavlelya Kacha
कलावंताचं मन, तरीही एक त्रयस्थपणे पाहण्याची शक्ती आणि सुक्ष्म निरीक्षण यांतून सलीलचं लिखाण फुललं आहे ! त्याने या लपवलेल्या काचा अशाच शोधून काढत राहायला हव्यात कारण अशा काचा कधीच व्यक्तिगत उरत नसतात - अशा काचांच्या झुंबरहंड्याच अनेकांची मनं उजळवीत असतात ! -संदीप खरे ‘लपवलेल्या काचा’ या डॉ. सलील कुलकर्णी लिखित पुस्तकाचं प्रथमदर्शनी वैशिष्टय़ नजरेत भरतं ते या पुस्तकाची आगळीवेगळी आणि आकर्षक अशी मांडणी. रविमुकुल यांनी या पुस्तकाची मांडणी करताना सलील कुलकर्णी यांच्या विविध भावमुद्रा टिपणाऱ्या रेखाचित्रांचा वापर केला आहे, तसंच नवीन प्रकरणाच्या सुरुवातीला हस्ताक्षरातील मजकूर टाकण्याची कल्पना या ललित लेखसंग्रहाला एकदम साजेशी ठरली आहे. मांडणीमुळे नजरेत भरणारं हे पुस्तक मनाचाही ठाव घेतं. कारण यातले ललित लेखांचे विषय सहजी कोणाच्याही मनाशी नातं जोडणारे. ज्यांना ललित लिखाण आवडतं, त्यांना तर त्यांच्याच मनाचं प्रतििबब या पुस्तकात पडल्यासारखं वाटेल. आपल्या आजूबाजूला घडणाऱ्या अनेक घटना; आनंद देणाऱ्या, दु:खी करणाऱ्या, अस्वस्थ करणाऱ्या, चिडचडीस कारणीभूत होणाऱ्या, राग देणाऱ्या.. वेळोवेळी आपण त्यांच्यावर मतं व्यक्त करत असतो. कधी प्रत्यक्षपणे किंवा कधी मनातल्या मनात. त्याच विविधरंगी भावना या पुस्तकात शब्दांच्या माध्यमातून व्यक्त झालेल्या आहेत.
-
Al Tamir
सौदी अरेबियातील एक शहर अल् तमीर. इथे फुलूस म्हणजे पैशाच्या मागावर असलेल्या भारतीयांच्या जथ्यात एक संवेदनशील शिक्षक आपल्या डॉक्टर पत्नीसोबत वाट चुकून येतो आणि इथल्या कट्टर इस्लामिक राजवटीत अक्षम्य आगळीक करतो. त्याची आणि दोन भिन्न संस्कृतींच्या गाठभेटीची ही ‘ट्नॅजिकॉमिक’ कथा. उपभोगाचा अव्याहत पाठलाग करणारा आणि तो करताना आपल्या धार्मिक, सांस्कृतिक, प्रादेशिक वैशिट्यांना गोंजारणा-या भारतीयांच्या या कथेला जसे वाळवंटाचे रखरखीत संदर्भ आहेत, तसेच फक्त पैशासाठी परक्या आकाशाखाली स्वत:ची कोंडी अनुभवणा-या मजबूर व्यक्तींच्या एकाकीपणाचे सुद्धा. सौदी अरेबियाच्या कट्टर धर्मसत्तेची तसेच भारतीयांच्या आपसांतल्या हेव्यादाव्यांची आणि राजकीय प्रेरणांची पार्श्वभूमी लाभलेली ही कादंबरी गल्फमधील भारतीयांच्या सांस्कृतिक जीवनाचा वास्तववादी आलेख आहे.
-
Thevnitlya Chija
भूत आणि भविष्य या जीवनाच्या दोन फांद्यांवर बांधलेल्या काळाच्या हिंदोळ्यावरील झोके म्हणजे या ठेवणीतल्या चिजा. शान्ताराम तथा के. ज. पुरोहित यांच्या`व्रात्यस्तोम’, `मी असता’ आणि `आठवणींचा पार’ या पुस्तकांसारखेच, पण त्यांच्या कितीतरी पुढे वाचकाला घेऊन जाणारे असे हे ठेवणीतल्या चिजा’ हे पुस्तक. रूढार्थाने हे आत्मचरित्र नव्हे; ते आहे एका मोठ्या संवेदनशील लेखकाच्या आत्म्याचे चरित्र. कधी गंभीर; कधी खुसखुशीत; कधी विचारगर्भ तर कधी विनोदी; कधी डोळ्यांच्या कडा ओल्या करणार्‍या;कधी अंतर्मुख करणार्‍या; कधी छाकट्या तर कधी सरळ; मराठी गद्याचे ललित वैभव प्रकट करणार्‍या `मालगुडी ते ब्रह्मपुरींपासून’ तो `स्वप्नस्थ वास्तव’ पर्यंतच्या या ठेवणीतल्या चिजा.