-
Bharatatil Mahana Raje (भारतातील महान राजे)
शं. रा. देवळे लिखीत ‘भारतातील महान राजे’ या पुस्तकात भारतीय इतिहासात आपला अमूल्य ठसा उमटवणारे थोर राजे व त्यांच्या महान पराक्रमांविषयीची गाथा प्रेरीत करणारी आहे. चंद्रगुप्त मौर्य, सम्राट अशोक, महाराणा प्रताप, बादशहा अकबर, छत्रपती शिवाजी महाराज यांसारख्या शूर वीर व उदात्त मनाच्या राजांनी केवळ जनतेवरच नाही, तर त्यांच्या मनावर राज्य केले. म्हणून त्यांचा इतिहास सुवर्ण अक्षरांनी लिहीला गेला. अशा या अजरामर विभूतींचे कार्य वाचताना त्यांनी रचलेला दिव्य इतिहास डोळ्यांसमोर उभा राहतो. इतिहास घडवायचा असेल तर इतिहास माहिती असावा लागतो. हे पुस्तक शौर्यगाथा व अलौकिक साहस याला समर्पित असून उत्स्फूर्त व अनुकरणीय आहे. सहज, सोप्य व रंजक स्वरूपात लिहिलेल्या या पुस्तकाचा पुस्तकप्रवास सर्व वाचक वर्गाची उत्सूकता टिकविणारा व ज्ञानात भर घालणारा आहे.
-
Podcasting Digital Awajachi Duniya (पॉडकास्टिंग डिजिटल आवाजाची दुनिया)
पॉडकास्ट क्रांतीने सांस्कृतिक विश्व उजळून आणि ढवळून निघाले आहे. पण बहुतांश लोकांना या नव्या विश्वाचे फारसे आकलन झालेले नाही, आणि आपण स्वतः या श्राव्यरूपी सांस्कृतिक क्रांतीमध्ये सक्रिय सहभाग घेऊ शकतो हेदेखील जाणवलेले नाही. रेडिओ-टीव्हीसारख्या पारंपरिक माध्यमांपेक्षा हे माध्यम खूप वेगळे आहे. रेडिओटीव्हीमध्ये कुणीतरी त्यांचा श्राव्य किंवा दृकश्राव्य आशय तयार करून प्रसारित करतात आणि दुसरे कुणीतरी त्याचा आस्वाद घेतात. तो फक्त एकतर्फी व्यवहार असतो. पॉडकास्ट हे मात्र असे माध्यम आहे ज्यात तुम्ही फक्त आस्वादक राहात नाही, तर निर्मातेदेखील होऊ शकता. किंबहुना तुम्हीच तुमच्या पॉडकास्टचे संहिता लेखक, सादरकर्ते, संकलक, भाष्यकार, संवादक होऊ शकता. त्या अर्थाने पॉडकास्ट क्रांती अधिक लोकशाही स्वरूपाची आहे. कारण लोकांचे, लोकांसाठीस लोकांनी उपलब्ध करून दिलेले माध्यम ही व्याख्या त्याला खऱ्या अर्थाने लागू पडते. उज्वला बर्वे आणि नचिकेत क्षिरे यांनी या पुस्तकात पॉडकास्टचे स्वरूप, व्याप्ती, उपयोगिता आणि निर्मितीप्रकिया समजावून सांगितली आहे. त्यामुळे फक्त वाचक न राहता पॉडकास्टर व्हा. कुमार केतकर ज्येष्ठ पत्रकार, लेखक आणि राज्यसभा सदस्य
-
Satya Sangaycha Tar (सत्य सांगायचं तर)
वयाच्या आठव्या वर्षी स्वप्नात परमेश्वराचं दर्शन झाल्यामुळे त्याला गाढ शांतता आणि आनंद यांची अनुभूती आली. परमेश्वराला भेटण्यासाठी, दिव्यत्वाची प्रचिती घेण्यासाठी त्यानं ज्योतिर्विद्या, उत्कट ध्यान आणि तंत्र यांचा अवलंब केला; पण तरी परमेश्वरदर्शन होण्याचं चिन्ह दिसेना. दारुण निराशेच्या भरात त्यानं आंतरिक अस्वस्थतेपासून सुटका मिळवण्यासाठी भौतिक स्वप्नांचा पाठपुरावा सुरू केला; पण भौतिक सुखांनी आतली पोकळी भरून येण्यासारखी नव्हती. अखेर त्याने संसाराचा परित्याग केला आणि तो संन्यासी बनला. आजकालच्या आव्हानपूर्ण आणि बव्हंशी संभ्रमाच्या काळात आध्यात्मिक जीवनाची जडणघडण कशी होऊ शकते, याची ही विस्मयकारक स्मरणगाथा आहे.
-
Gitevaril Nibandha (गीतेवरील निबंध)
श्री अरविंदांनी गीतेला केवळ युद्धातील सल्ल्याचे पुस्तक मानले नाही. मानवी चेतना उंचावणारे आणि मानवाला दिव्यतेकडे नेणारे शास्त्र म्हणून त्यांनी गीतेचे वर्णन केले आहे.कर्मयोग, ज्ञानयोग आणि भक्तियोग यांचा समन्वय कसा साधायचा, हे या निबंधमालेत स्पष्ट केले आहे.
-
Hasya Visa (हास्य व्हिसा)
चित्रातला विनोद चित्रातून- चित्रणातून कसा उलगडत गेला, फुलत गेला हे पाहणं मोठं मजेदार असतं. धर्मापुरीकरांच्या भाषेतून परकीय व्यंगचित्रांचा आस्वाद घेताना आपल्याला केवळ परकीय व्यंगचित्रासाठीच नाही, तर व्यंगचित्रकला या साहित्यप्रकारात मुशाफिरी करण्याचा ‘व्हिसा’ मिळतो
-
Savitri (सावित्री)
श्री अरविंदांचे महाकाव्य 'सावित्री' याचा काव्यमय भावानुवाद
-
Bhadrakali (भद्रकाली)
महाराणी ताराबाईंच्या जीवनावरील उत्कंठावर्धक, ऐतिहासिक कादंबरी
-
Sahvas Pratibhavantancha (सहवास प्रतिभावंतांचा)
'सहवास प्रतिभावंतांचा' या अशोक कोठावळे यांच्या पुस्तकात हृद्य व्यक्तिचित्रे आहेत, साहित्यसंस्थांचा आणि प्रकल्पांचा अनौपचारिक इतिहास आहे आणि वेगवेगळ्या गुणी माणसांवर प्रेम करण्याची क्षमता असणाऱ्या एका नम्र, सर्वसंग्राह व संवेदनशील लेखकाचे आत्मचित्रही आहे. त्यांच्या साहित्यिक वर्तुळाचा व संकल्पांचा असाच उत्तरोत्तर विकास होत राहावा आणि अनेक व्यक्तींना जवळ आणण्याच्या प्रक्रियेमुळे ते आयुष्यभर एक चांगले विद्यार्थी राहावेत अशी आशा करतो.
-
Athavaninchi Sathavan (आठवणींची साठवण)
वैयक्तिक आणि व्यावसायिक आयुष्यातील कडू-गोड प्रसंगांचा गोफ... गिरणगावातील बालपणापासून ते गिरगावातील तरुणपणापर्यंतचा प्रवास... लॉटरीची तिकिटे विकण्यापासून ते ग्रंथ प्रकाशनापर्यंतची व्यावसायिक कारकीर्द... बदललेल्या मुद्रणकलेपासून ते जुळलेल्या न जुळलेल्या पत्रिकेपर्यंतचे किस्से... सोसायटीतल्या सख्खे शेजारींपासून ते दुकानात येणाऱ्या ग्राहकांपर्यंतचे विविध नमुने... आस्तिक-नास्तिकतेपासून ते माणसातल्या हरवलेल्या माणुसकीपर्यंतची निरीक्षणे जगताना आलेले बहुरंगी अनुभव तटस्थ रसाळपणे मांडणाऱ्या ललित लेखांचं जाळीदार पिंपळपान म्हणजे आठवणींची साठवण. गेली चारं दशकं ग्रंथ प्रकाशन, ग्रंथ विक्री, संपादन आणि विविध साहित्यिक उपक्रमांचं सातत्यपूर्ण आयोजन यात अग्रेसर असलेल्या 'मॅजेस्टिक' अशोक केशवराव कोठावळे यांची ही 'आठवणींची साठवण' त्यांची एक वेगळी ओळख वाचकांना करून देईल. हे पुस्तक वाचताना तुमच्या मनातला आठवणींचा गोफही अलगद उलगडेल....