-
Ishwar Dot Kom ( ईश्वर डॉट कॉम )
ही आहे एक धमाल कहाणी . ती घडते देवनगरीत म्हणजे तुमच्या आमच्या सभोवती. आपण डोळे उघडून बघायला मात्र हवं. देव ,धर्म , संस्कृती अन परंपरेच्या व्यापारीकरणात हृदयातला ईश्वर हृदयात हरवतो. उतार आधुनिक काळात तरी आपण विवेक हा तारणहार, समता हा ईश्वर आनं प्रेम ही सर्वात टिकाऊ परंपरा हि त्रिसूत्री मानणार आहोत का? निकोप समाजजीवन अण्णा अन विवेकशील नागरिकत्व डोळसपणे अंगात ?मुरवणार आहोत का ? गमतीजमतीतून नवोत्तर युगातील धर्मचिकित्सा करणारी हसत-हसवत,गुदगुल्या करत वाचकांना विचारप्रवण करणारी कादंबरी
-
Sur-Sangat (सूर-संगत)
गानयोगिनी धोंडूताई कुलकर्णी या जयपूर अत्रौली घराण्याचा घरंदाज वारसा जपनाऱ्या गायिका. या घराण्याचे अध्वर्यू उस्ताद अल्लादिया खाँसाहेब यांच्या सहवासात गाणं शिकण्याची संधी धोंडूताईना लाभली. या घराण्याचे चार मातब्बर कलाकार उस्ताद भुर्जी खाँसाहेब, लक्ष्मीबाई जाधव आणि ख्याल गायकीच्या अनभिषिक्त साम्राज्ञी केसरबाई केरकर धोंडूताईना गुरु म्हणून लाभले. संगीताच्या क्षेत्रात ' घराणी हवीत कशाला '? असे सूर उमटत असतानाच्या काळात ' घराणी हवीतच ' असा बाणा जपनाऱ्या आणि जयपूर गायकीची विशुद्ध परंपरा सर्वस्व पणाला लावून पुढे चालवणाऱ्या धोंडूताईनी त्यांच्या गुरुंविषयी आणि सांगीतिक कारकीर्दीविषायी सांगितलेल्या आठवणी म्हणजेच - सूर-संगत
-
He Vishwache Angan (हे विश्वाचे अंगण)
चार दशकांपूर्वी भारतातल्या धूळवाटांतून येऊन अमेरिकेतल्या गगनमहलाला गवसणी घालणाऱ्या मराठी माणसाचे हे प्रांजळ आत्मकथन. वास्तुरचनेतून मानवी आयुष्य सुंदर, उन्नत करण्याचा निदिध्यास, कौटुंबिक एकात्मतेवर प्रगाढ़ विश्वास, स्वतःशीच चाललेला निरंतर संघर्ष अविरत विश्वभ्रमण उत्कट कलासक्ती, उदंड कर्तुत्व दातृत्व यांची प्रतिबिंबं यात दिसतील. नामवंत आंतरराष्ट्रिय विद्यमान वास्तुरचनाकारांच्या मालिकेत अग्रभागी विराजमान झालेले अनिवासी भारतीय सुधीर जांभेकर. मराठी माणसाला अभिमान वाटावी, तरुणाईला प्रेरक ठरावी अशी एका मनस्वी वास्तुरचनाकाराची ही आगळीवेगळी कहाणी. वैयक्तिकतेकडून वैश्विकतेचा रोमहर्षक प्रवास...
-
Romanchkari Railway (रोमांचकारी रेल्वे)
दळणवळणाचं मुख्य साधन म्हणून रेल्वेची निर्मिती झाली. यामुळे व्यापार-उदीम सोपा झालाच,पण प्रवासालाही गती मिळाली. आपल्या माणसामध्ये येण्यासाठी एक वेगवान मार्ग माणसानं निर्माण केला आणि रेल्वे माणसांच्या भावनांशी जोडली गेली. कशी निर्माण झाली ही धूर सोडणारी गाडी, तिचे मार्ग, तिची यातायात, देखभाल. हा संपूर्ण गाडा चालतो तरी कसा. याचं कुतूहल आजही तितकंच आहे, गावं आणि राज्यांमधून देशाला जोडणारी ही रेल्वे अद्याप नवेनवे प्रयोग करतेच आहे. अशा या भारतीय रेल्वेची गोष्ट सांगणार पुस्तक....
-
Bhopalmadhil Kalratra (भोपाळमधील काळरात्र )
२ डिसेंबर १९८४ भोपाळच्या युनियन कार्बाइड कारखान्यात स्फोट. विषारी वायू भोपालभर पसरला. हजारो लोक मृत्युमुखी पडले. शेकडो लोक अपंग झाले. या कोलाहलात शेतमजूर ते पश्च्यात्य इंजिनियर सगळेच भरडले गेले. हे सारे कसे घडले ? का घडले? डेमिनिक लापिये आणि जविएर मोरो या दोघांनी कासून शोध घेतला. सरकारी अहवाल काय म्हणतात ? वर्तमानपात्रे काय सागंतात? पिडीत माणसे काय सांगतात? या सर्वांचा आधार घेऊन उधवस्त समाजजिवन, सामाजिक रेटे ही माणसाच्या आशेने चिवट कोंभ यांच्या धाग्यांतून विणलेली ही कादंबरी !
-
Shodh Gramin Arogyacha (शोध ग्रामीण आरोग्याचा)
रोगांवरचे अत्याधुनिक उपचार सोडाच, जिथे रोगाबाबत पुरेशी माहितीही नसते. अशा ग्रामीण भागालाच डॉ. हिम्मतराव बावस्करांनी आपलं कार्यक्षेत्रं मानलं. ग्रामीण भागात जन्मलेल्या अन वाढलेल्या डॉ.बावस्करांनी अज्ञान, गरिबी फार जवळून अनुभवली. साप-विंचवाचा दंश अन त्याने होणारे मृत्यू, कुपोषण, प्रदूषणामुळे होणारे आजार यांच्या जोडीला मधुमेह, रक्तदाब, हृदयरोग यांसारखे पूर्वी श्रीमंतांचेच मानले जाणारे विकारही ग्रामीण भागात शिरकाव करत आहेत. या सारया व्याधींबद्दलची सजगता अन उपचारांमधील तत्परता सारयांच्या मनावर ठसवणारे शोध ग्रामीण आरोग्याचा
-
Katharup Mahabharat Part 1 (कथारूप महाभारत- खंड 1)
महाभारत- भारतीय जीवन धर्माचा प्राणस्वार स्खलनशील माणूस अन चिरंतन मुल्ये यांचा संघर्ष मंगेश पाडगावकर - कथारूप सांगत आहेत तीन हजार वर्षांची अद्भुत रसयात्रा
-
Katharup Mahabharat Part 2 (कथारूप महाभारत- खंड २)
महाभारत- भारतीय जीवन धर्माचा प्राणस्वार स्खलनशील माणूस अन चिरंतन मुल्ये यांचा संघर्ष मंगेश पाडगावकर - कथारूप सांगत आहेत तीन हजार वर्षांची अद्भुत रसयात्रा
-
Mardhekaranchi Kavita (मर्ढेकरांची कविता)
जीवन, मृत्यू, ज्ञान, विज्ञान, ईश्वर अशा महत्त्वाच्या मूल्यांचा अर्थ कधी प्रत्यक्ष अनुभूतीतून, तर कधी कल्पनाशक्तीच्या साधनेतून, तर कधी चिंतनातून मर्ढेकर शोधतात. अशा प्रयत्नांचा मागोवा कविता समजून घेण्य[...]
-
Singaporechi Navalkatha (सिंगापूरची नवलकथा)
सिंगापूर... आग्नेय आशियाच्या नकाशातला अगदी टिकली एवढा छोटासा देश. शेजारच्या मे मलेशियाच्या आधाराने जगू पहाणारा… पण त्या देशाने झिडकारल्यानंतर हताश न होता अथक प्रयत्नांची कास धरणारा… त्या सिंगापूरने सर्वांगीण प्रगतीची जी गरुडभरारी घेतली, तिची हि कथा… त्या प्रयत्नामागे प्रेरणा होती लि क्वान यू नावाच्या एका जिद्दी पण द्रष्टया नेत्याची. या नेत्याच्या अफाट कर्तबगारीची ही कथा … भारतीयांनाही प्रेरक ठरावी अशी ...
-
Bokya Satbande Bhag 9 ( बोक्या सातबंडे भाग : ९)
बोक्या सातबंडे चा हा नववा भाग अतिशय सुरेख , प्रसन्न विनोदाचा शिडकावा करणार दिलीप प्रभावळकर यांचं हे एक झकास पुस्तक !
-
Bokya Satbande Bhag 8 ( बोक्या सातबंडे भाग : ८ )
बोक्या सातबंडे चा हा आठवा भाग अतिशय सुरेख , प्रसन्न विनोदाचा शिडकावा करणार दिलीप प्रभावळकर यांचं हे एक झकास पुस्तक !
-
Timiratuni Tejakade Samagra Andhashraddha Nirmul
अंधश्रद्धानिर्मुलनाचे अथक कार्य केलेले ज्येष्ठ सामाजिक कार्यकर्ते डॉ. नरेंद्र दाभोलकर यांचे दिशादर्शक पुस्तक. अंधश्रद्धानिर्मुलनाशी संबंधित सर्व विषयांची अभ्यासपूर्ण, सखोल, तात्विक मांडणी या पुस्तकात केली आहे. वैज्ञानिक दृष्टीकोन, फलज्योतिष विज्ञानाच्या कसोटीवर, वास्तू (श्रद्धा) शास्त्राचा अर्थ आणि अनर्थ, स्यूडोसायन्स अर्थात छद्मविज्ञान, मन मनाचे आजार: भुताने झपाटणे, देवीचे अंगात येणे, संमोहन, भानामती, बुवाबाजी, अंधश्रद्धा निर्मुलन समितीचा हिंदू धर्मालाच विरोध का? या प्रकरणांमध्ये डॉ. दाभोलकर यांनी आपली भूमिका स्पष्ट केली आहे. विचार, आचार, उच्चार, संघर्ष आणि सैद्धांतिक मांडणी या पाचही आघाड्यांवर त्यांनी आणि त्यांच्या समितीने काम केले आहे. या कार्याचं आणि विचारांचं महत्व पुस्तकातून अधिक ठळक होत. तिमिरातून तेजाकडे या पुस्तकाचे तीन विभाग केले आहेत. पहिला विभाग अंधश्रद्धा निर्मुलनाशी संबंधित थेट बाबींच्याबद्दल आहे. दुसरा विभाग सर्व बाबींच्या संदर्भात अंनिसने जी कृतीशील झुंज दिली त्याबद्दल आहे. यामुळे वैचारिक मांडणीला प्रत्यक्ष कार्याचा भरभक्कम पाया मिळतो. त्यानंतरचा तिसरा विभाग हा सैद्धांतिक आहे. अंधश्रद्धा निर्मूलनाच्या विषयाशी संबंधित जे विषय सतत चर्चिले जातात, त्यांची मांडणी केली आहे. याप्रमाणे पहिल्या विभागात वैज्ञानिक दृष्टिकोन, फलज्योतिष विज्ञानाच्या कसोटीवर, मनाचे आजार. भुताचे झपाटणे, भानामती या विषयांची सर्वांगीण मांडणी केली आहे. तर दुसऱ्या विभागात बुवाबाजीच्या संदर्भातील 'साहिबजदीजी करणी', 'कमरअली दरवेशचा चमत्कार', 'लंगरचा चमत्कार', 'गोडबाबा', 'कुशीऱ्याचा दैवी उपचार' यांची माहिती आहे. अशा माहिती सोबतच काही रंजक व उद्बोधक घटना वाचकांना मिळतील.
-
Mati - Bhanamati ( मती - भानामती )
आपोआप फाटणारे, पेटणारे कपडे, अंगावर बिब्याच्या फुल्या, अन्नात विष्ठा, डोळयातून निघणारे खडे- असे गूढ, भीतिदायक प्रकार म्हणजे भानामती-काळी जादू. त्यातून समाजात पसरतो गैरसमज- ही सारी विज्ञानापलीकडची अतर्क्य शक्ती ! मराठवाडयातील भानामती तर आणखी निराळी. फक्त स्त्रियांनाच छळणारी. मग त्या घुमतात, लोळतात, भुंकतात, बेभान अवस्थेत 'भानामती' करणा-याचे नाव सांगतात. ज्या व्यक्तीचे नाव उच्चारले जाते, त्याचे जगणे अवघड बनते. अंधश्रध्दा निर्मूलन समितीने गेल्या पंचवीस वर्षांत शेकडो भानामती प्रकरणे शंभर टक्के यशस्वीरीत्या हाताळली. भानामती घडते, तेव्हा ती दूर करण्यासाठी क्रोधापेक्षा करुणेची, उपहासापेक्षा आपुलकीची गरज असते- हे भान देणारे रहस्यकथेहून रोमांचक वाटेल असे.
-
Andhshraddha Vinashay ( अंधश्रद्धा विनाशाय )
डॉ. नरेंद्र दाभोलकर यांच हे पुस्तक अंधश्रद्धा निर्मुलन चळवळीचं दर्शन घडवितं. श्रद्धा तपासून पाहण्याच भान डॉ. दाभोलकर या पुस्तकातून देतात. 'विज्ञानाच्या विकासाचा सारा इतिहास हा श्रद्धा तपासण्याचा इतिहास आहे' असं ते म्हणतात. समाजात वर्षानुवर्षे ज्या चुकीच्या रुढी-परंपरांचा पगडा आहे, त्या रुढी हद्दपार करण्यासाठी 'अंनिस' ने केलेल्या आणि करीत असलेल्या लढायांची समग्र माहिती या पुस्तकातून मिळते. प्रवाहाविरुद्ध पोहत असताना होणाऱ्या त्रासाचं, येणाऱ्या अडचणीचं अस्वस्थ दर्शन त्यांतून घडतं. महात्मा फुले, डॉ. बाबासाहेब आंबेडकर, गाडगे महाराज यांसारख्या समाजसुधारकांचे विचार प्रत्यक्षात यावेत, हाच या चळवळीमागचा हेतू असल्याचं ते पुस्तकातून सिद्ध करतात. 'हि देशातील दुसऱ्या स्वातंत्र्याची लढाई आहे' हि भूमिका हि ते मांडतात..